Almaty oblysy jáne óńirdiń eki million turǵyny men qonaqtary, Naýryz meiramyn dástúrler men jańashyldyqtardy úilestire otyryp, umytylmaityn jańa aýqymda qarsy alýda.
Almaty oblys kósheleri Naýryz merekesiniń jańa logotipi beinelengen jarqyn plakattarmen bezendirilip, meiramhanalar men dámhanalar, onyń ishinde Qonaev qalasyndaǵy ataqty mekemeler kelýshilerge, ulttyq taǵamdardan merekelik as mázirlerin usynady.
Naýryzdyń 1 men 25 kúnderi aralyǵynda 92 iri saýda ortalyǵynda «Naýryz satý» jeńildik aktsiiasy ótýde. Sonymen qatar 11-24 naýryz aralyǵynda iri saýda ortalyqtarynyń aldynda «Naýryz qalashyqtary» uiymdastyrylyp, kelýshiler qazaqtyń kiiz úilerin, kórmelerin, jármeńkeler men Tik-Toktaǵy fotoreportajdardy tamashalai alady.
Naýryzdyń 14-i men 23-i aralyǵyndaǵy Naýryznama onkúndigi jańa dástúrler engizip, merekeni ideologiialyq maǵynamen, ár kúnin taqyryptyq baǵyttarymen tolyqtyrady:
14 naýryz: «Kórisý kúni – Amal merekesi» 3000 adam qatysatyn kezdesýlermen merekelik is-sharalar jáne teatrlandyrylǵan kórinister.
15 naýryz: Qaiyrymdylyq aktsiialarymen jáne qarttar úiindegi is-sharalar
16 naýryz: 2000 adam qatysatyn mádeni sharalarmen kórmeler jáne kontsertter.
17 naýryz: «Shańyraq» atty otbasy qundylyqtaryna arnalǵan baiqaýlar men merekelik jármeńkeler.
18 naýryz: «Ulttyq kiim kúni» jáne 500 adam qatysatyn ulttyq kiim úlgileriniń taqyryptyq kórsetilimi men chellendjderi
19 naýryz: «Jańarý» kúnderi baǵytynda Almaty oblysy boiynsha 15 850 aǵash otyrǵyzylyp tazartý senbiligi ótedi
20 naýryz: «Ulttyq sport» taqyrybynda oiyndar uiymdastyrylady.
21 naýryz: «Yntymaq» taqyrybyndaǵy turǵyn úi kvartaldarynyń ulttyq merekelik is-sharalary.
22 naýryz: «Jyl basy» atty buqaralyq sharalar, halyqtyq merekeler men merekelik jármeńkeler.
23 naýryz: «Tazarý» jalpyulttyq ekologiialyq jáne aýmaqtardy jappai tazalaý naýqany
Merekelik sharalardan bólek, Almaty oblysynyń damýy men órkendeýiniń simvolyna ainalatyn, oblystaǵy dene shynyqtyrý-saýyqtyrý jáne sport keshenderin, kásiporyndar men emdeý mekemelerin qamtityn jańa nysandardy ashý josparlanýda.
Almaty oblysyndaǵy Naýryz meiramyn toilaý, óńirdiń mádeni murasynyń bailyǵy men turǵyndarynyń birligin kórsetetin jarqyn jáne umytylmas oqiǵa bolmaq. Barshańyzǵa kóptegen jaǵymdy emotsiialar syilaityn jáne jańa dástúrlerdiń bastaýy bolatyn tamasha merekege daiyn bolyńyzdar!
