– ەلىمىزدە مەملەكەتتىك كاداستر، ياعني جەردىڭ باعاسىن انىقتاۋ جۇيەسى 2003 جىلى، ياعني 13 جىل بۇرىن بەكىتىلگەن. ال دامىعان ەلدەردە ءار 3-5 جىلدا جەردىڭ باعاسى جاڭارتىلىپ وتىرادى. جەردى باعالاۋ جۇيەسىنىڭ ادىستەمەسىنە كەلسەك، ءبىزدىڭ ماماندارىمىز توپىراقتى زەرتتەۋدە وتكەن عاسىردىڭ 50ء-شى جىلدارىنداعى ادىستەمەلەردى قولدانادى، – دەيدى ا.كۇرىشبايەۆ.
ونىڭ ايتۋىنشا، بۇگىندە اۋىل شارۋاشىلىعى كاسىپورىندارى مەن شارۋا قوجالىقتارىنىڭ كوبىسىندە جەردىڭ ءتولقۇجاتتارى جوق ەكەنى انىقتالىپ وتىر. اۋىل شارۋاشىلىعى مينيسترلىگىنە جەردى مونيتورينگىلەۋ فۋنكسياسى بەرىلگەن. ءبىراق ونى اتقاراتىن مەكەمە جوق. رەسپۋبليكا بويىنشا نەبارى 217 عانا جەر ينسپەكتورى جۇمىس ىستەيدى.
– سوندىقتان ءقازىر ءبىزدىڭ ەڭ باستى مىندەتىمىز – جەر ساپاسىنىڭ شىنايى جاعدايىن ءبىلۋ. جەردىڭ ساپاسىن بىلمەي، ءتيىمدى جۇيە قالىپتاستىرىپ الماي، رەفورمانى قالاي جاسايمىز؟، – دەپ اتاپ كورسەتتى ا.كۇرىشبايەۆ. وسى ورايدا ول ءماراتورييدى بەس جىلعا ۇزارتۋ ۇسىنىسىن تولىعىمەن قولدايتىنىن جەتكىزدى.
ايتا كەتەيىك، جەر كوميسسياسى اۋىل شارۋاشىلىعى جەرلەرىن جالعا بەرۋ مەن ساتۋ ماسەلەسى بويىنشا ءتيىستى ۇسىنىستاردى دايارلاپ، ونى پارلامەنت قاراۋىنا ۇسىنادى. وسىنىڭ نەگىزىندە ناقتى شەشىمدەر قابىلدانادى.
