اەس قۇرىلىسىنا قارسى شىققان بەلسەندٸلەرگە سوت ٷكٸم شىعاردى, دەپ حابارلايدى Dalanews.kz.
قازاقستاندا اتوم ەلەكتر ستانساسىنىڭ سالىنۋىنا قارسى شىققان بەس بەلسەندٸگە سوت تٶرت جىلعا باس بوستاندىعىن شەكتەۋ جازاسىن تاعايىندادى.
المالى اۋداندىق سوتىنىڭ سۋدياسى ەرنار قاسىمبەكوۆ سەيسەنبٸ كٷنٸ ٷكٸمدٸ جارييالاپ, سوتتالۋشىلاردىڭ اەس-كە قارسى ٷنپاراقتار تاراتقانىن جەنە حالىقتى جاپپاي تەرتٸپسٸزدٸككە شاقىرۋ ماقساتىندا جينالىستار ٶتكٸزگەنٸن ايتتى. ٷكٸمگە سەيكەس, ولارعا بەس جىل بويى قوعامدىق قىزمەتپەن اينالىسۋعا دا تىيىم سالىندى.
مەملەكەتتٸك ايىپتاۋ بۇعان دەيٸن سوتتالۋشىلارعا بەس جىلعا باس بوستاندىعىنان ايىرۋ جازاسىن سۇراعان ەدٸ. ولار «جاپپاي تەرتٸپسٸزدٸكتٸ ۇيىمداستىرۋعا دايىندالدى» دەگەن ايىپپەن (قر قك 272-بابىنىڭ 1-بٶلٸگٸ جەنە 24-بابىنىڭ 3-بٶلٸگٸ) جاۋاپقا تارتىلدى.
پروكۋرور سوتتا «مەملەكەتتٸك ماڭىزى بار ٸس-شارانىڭ ٷزدٸكسٸز ٶتۋٸنە كەدەرگٸ كەلتٸرۋ ازاماتتاردىڭ كونستيتۋتسييالىق قۇقىقتارىن شەكتەۋ بولىپ تابىلادى» دەپ مەلٸمدەگەن.
ٶز كەزەگٸندە ايىپتالۋشىلار سوتتان تولىقتاي اقتاۋدى سۇرادى.
