AES qurylysyna qarsy shyqqan belsendilerge sot úkim shyǵardy, dep habarlaidy Dalanews.kz.
Qazaqstanda atom elektr stansasynyń salynýyna qarsy shyqqan bes belsendige sot tórt jylǵa bas bostandyǵyn shekteý jazasyn taǵaiyndady.
Almaly aýdandyq sotynyń sýdiasy Ernar Qasymbekov seisenbi kúni úkimdi jariialap, sottalýshylardyń AES-ke qarsy únparaqtar taratqanyn jáne halyqty jappai tártipsizdikke shaqyrý maqsatynda jinalystar ótkizgenin aitty. Úkimge sáikes, olarǵa bes jyl boiy qoǵamdyq qyzmetpen ainalysýǵa da tyiym salyndy.
Memlekettik aiyptaý buǵan deiin sottalýshylarǵa bes jylǵa bas bostandyǵynan aiyrý jazasyn suraǵan edi. Olar «jappai tártipsizdikti uiymdastyrýǵa daiyndaldy» degen aiyppen (QR QK 272-babynyń 1-bóligi jáne 24-babynyń 3-bóligi) jaýapqa tartyldy.
Prokýror sotta «memlekettik mańyzy bar is-sharanyń úzdiksiz ótýine kedergi keltirý azamattardyń konstitýtsiialyq quqyqtaryn shekteý bolyp tabylady» dep málimdegen.
Óz kezeginde aiyptalýshylar sottan tolyqtai aqtaýdy surady.
