Almaty halyqaralyq áýejaiy taǵy da daýdyń ortasynda qaldy. Áleýmettik jelide áýejai ishin sý basqany kórinetin video tarady, dep habarlaidy dalanews.kz.
Kýágerlerdiń aitýynsha, jaǵdai tosyn jerden bolǵan.
"Pasporttyq baqylaýdan ótip, laýndjǵa kóterilgen edik, bir sátte bárin sý basty. Tekseris aimaǵy, pasporttyq baqylaý, kompiýterler - bári sý astynda qaldy. Barlyǵyn jaýyp, eshkimdi kirgizbei qoidy", - dedi jolaýshylardyń biri.
Jeli qoldanýshylary reister keshikkenin de jazǵan. Oqiǵa jurttyń narazylyǵyn týǵyzǵan, sebebi mundai jaǵdai áýejaida buǵan deiin de bolǵany aityldy. Pikirlerde áýejai infraqurylymynyń sapasyna qatysty syn kóbeigen.
Almaty halyqaralyq áýejaiynyń baspasóz qyzmeti tótenshe jaǵdaiǵa pikir bildirdi.
"Qatty jaýyn-shashyn saldarynan T1 jáne T2 terminaldarynyń keibir jerlerine shatyrdan sý aqty. Aqaý 30 minýt ishinde jedel túrde joiyldy. Jaǵdai reisterge áser etken joq. Qazir áýejai shtattyq rejimde jumys istep tur. Aqaýdyń sebebin anyqtaý maqsatynda, sondai-aq, aldaǵy ýaqytta mundai jaǵdai bolmaýy úshin infraqurylymǵa qosymsha tekseris júrgizilip jatyr", - dep jazylǵan habarlamada.
