بۇگىن اباي وبلىسى ءماسليحاتىنىڭ كەزەكتەن تىس 27ء-ىنشى سەسسياسى ءوتتى. وتىرىسقا وبلىس اكىمى بەرىك ءۋالي، ءماسليحات ءتوراعاسى شالقار بايبەكوۆ، دەپۋتاتتار، ءتيىستى باسقارما باسشىلارى جانە ب ا ق وكىلدەرى قاتىستى،- دەپ حابارلايدى Dalanews.kz
سەسسيا بارىسىندا 2025–2027 جىلدارعا ارنالعان وبلىستىق بيۋدجەتكە جانە اباي وبلىسى ءماسليحاتىنىڭ تۇراقتى كوميسسياسى قۇرامىنا وزگەرىس ەنگىزۋ ماسەلەلەرى قارالدى.
ءبىرىنشى ماسەلە بويىنشا وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى روزا قۇدايبەرگەن قىزى بايانداما جاسادى. جاڭا وزگەرىستەر ايماقتىڭ الداعى الەۋمەتتىك-ەكونوميكالىق دامۋ جوسپارلارىنا سايكەس ازىرلەنگەن.
سەسسيا بارىسىندا دەپۋتاتتار تاراپىنان مادەنيەت نىساندارىن سالۋ، دارى-دارمەكپەن قامتۋعا قاتىستى دەپۋتاتتىق ساۋالدار جولداندى.
وتىرىس سوڭىندا ءسوز العان ايماق باسشىسى دەپۋتاتتارعا وبلىستىق بيۋدجەتكە ەنگىزىلگەن وزگەرىستەردى قولداعانى ءۇشىن العىس ءبىلدىرىپ، الدا اۋقىمدى جۇمىس كۇتىپ تۇرعانىن اتاپ ءوتتى. وڭىردەگى وزەكتى ماسەلەلەر كەزەڭ-كەزەڭىمەن شەشىلەتىن ايتتى.
«سالالىق مينيسترلىكتەرگە 107،7 ميلليارد تەڭگەگە 169 جوبا بويىنشا رەسپۋبليكالىق بيۋدجەتتەن ترانسفەرتتەر الۋ ءۇشىن بيۋدجەتتىك وتىنىمدەر جولداندى. وڭىرلەرگە شىعۋ قورىتىندىسى بويىنشا حالىقتىڭ وتىنىش-تىلەگىن ەسكەرە وتىرىپ، قالا، اۋدان اكىمدەرىنە، سالالىق باسقارما باسشىلارىنا ناقتى تاپسىرمالار بەردىم. وبلىستىڭ ەكونوميكاسىن كوتەرۋ ءۇشىن تەك بيۋدجەت قاراجاتىنا يەك ارتپاي ينۆەستيسيا تارتۋىمىز كەرەك. بۇل - قالا، اۋدان اكىمدەرىنىڭ ەڭ باستى مىندەتى. وبلىستىڭ گەوگرافيالىق ورنالاسۋىن، كولىك لوگيستيكالىق، ساۋدا-ەكونوميكالىق مۇمكىندىگىن تولىق پايدالانۋىمىز قاجەت. وسى ورايدا مامىر ايىندا وڭىرگە ينۆەستيسيا تارتۋ ءۇشىن قىتايعا ارنايى دەلەگاسيامەن بارۋدى جوسپارلاپ وتىرمىز»، - دەدى وبلىس اكىمى.
