اقش-تىڭ The New York Times باسىلىمى دونالد ترامپ ەكٸمشٸلٸگٸنٸڭ قازاقستانداعى ۆولفرام كەن ورىندارىن يگەرۋ تۋرالى كەلٸسٸمٸ پرەزيدەنتتٸڭ ۇلدارىنا قارجىلىق پايدا ەكەلۋٸ مٷمكٸن دەگەن زەرتتەۋ جارييالادى, دەپ حابارلايدى dalanews.kz.
باسىلىمنىڭ مەلٸمەتٸنشە, اقش پەن قازاقستان اراسىنداعى كەلٸسٸم امەريكالىق Kaz Resources كومپانيياسىنا ەلەمدەگٸ ەڭ ٸرٸ يگەرٸلمەگەن ۆولفرام قورلارىنىڭ بٸرٸنە قول جەتكٸزۋگە مٷمكٸندٸك بەرگەن. بۇل جوبا اقش ٷشٸن ستراتەگييالىق ماڭىزى بار, ٶيتكەنٸ ۆولفرام قورعانىس ٶنەركەسٸبٸندە, ەسكەري تەحنيكادا, جارتىلاي ٶتكٸزگٸشتەر ٶندٸرٸسٸندە جەنە جوعارى تەحنولوگييالىق ٶنٸمدەردە كەڭٸنەن قولدانىلادى.
NYT دەرەگٸنە سەيكەس, كەلٸسٸم جاسالعاننان كەيٸن كٶپ ۇزاماي دونالد ترامپتىڭ ۇلدارى – دونالد ترامپ كٸشٸ مەن ەريك ترامپپەن بايلانىستى Dominari Securities كومپانيياسى جوباعا قاتىساتىن قۇرىلىمنىڭ شامامەن 20 پايىز ٷلەسٸن يەلەنگەن. سونىمەن قاتار اقش ساۋدا مينيسترٸ حوۆارد لاتنيكتٸڭ ۇلدارى باسقاراتىن Cantor Fitzgerald كومپانيياسى دا جوباعا ينۆەستيتسييا تارتۋعا قاتىسقان. بۇل جاعداي اقش-تا ىقتيمال مٷددەلەر قاقتىعىسى تۋرالى پٸكٸرتالاس تۋعىزدى.
بۇعان دەيٸن Financial Times تە ترامپتىڭ ۇلدارى قازاقستانداعى ۆولفرام جوباسىن جٷزەگە اسىراتىن كومپانييانىڭ ٷلەسٸن العانىن حابارلاعان بولاتىن. باسىلىم مەلٸمەتٸنشە, اقش مەملەكەتتٸك ينستيتۋتتارى جوباعا 1,6 ملرد دوللارعا دەيٸن قارجىلىق قولداۋ كٶرسەتۋگە دايىن ەكەنٸن مەلٸمدەگەن.
اقش ەكٸمشٸلٸگٸ بۇل كەلٸسٸمنٸڭ نەگٸزگٸ ماقساتى قىتايعا تەۋەلدٸلٸكتٸ ازايتىپ, اقش-تىڭ ستراتەگييالىق ماڭىزدى مينەرالدارعا قولجەتٸمدٸلٸگٸن قامتاماسىز ەتۋ ەكەنٸن ايتادى. ال سىنشىلار مەملەكەتتٸك قولداۋ كٶرسەتٸلگەن جوباعا پرەزيدەنت وتباسىنىڭ قاتىسۋى ەتيكالىق سۇراقتار تۋىنداتاتىنىن العا تارتىپ وتىر.
