استانادا قازاقستاننىڭ جاڭا كونستيتۋتسيياسىنىڭ ارنايى باسىلىمىن سالتاناتتى تٷردە تابىستاۋ رەسٸمٸ ٶتتٸ. مەملەكەت باسشىسى قاسىم-جومارت توقاەۆتىڭ حاتىمەن بٸرگە باسىلىم دانالارىن پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا تابىستادى, دەپ حابارلايدى dalanews.kz.
ارنايى باسىلىم شىعارماشىلىق جەنە عىلىمي زييالى قاۋىم ٶكٸلدەرٸنە, سونداي-اق قازاقستان رەسپۋبليكاسى پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا مٷشەلەرٸنە بەرٸلدٸ.
جيىندا ايدا بالاەۆا جاڭا كونستيتۋتسييانىڭ قابىلدانۋى قاسىم-جومارت توقاەۆ 2019 جىلى باستاعان ساياسي جەنە قوعامدىق جاڭعىرۋلاردىڭ زاڭدى جالعاسى ەكەنٸن اتاپ ٶتتٸ. ٷكٸمەت باسشىسىنىڭ ورىنباسارى كونستيتۋتسييانىڭ ماڭىزى وندا بەكٸتٸلگەن قۇقىقتىق نورمالارمەن عانا ەمەس, ەڭ الدىمەن, ونىڭ ٶزەگٸنە اينالعان قۇندىلىقتارمەن ايقىندالاتىنىنا نازار اۋداردى.
«بٸز ٷشٸن اسا ماڭىزدى جاڭاشىلدىقتىڭ بٸرٸ – مەدەنيەت, عىلىم جەنە بٸلٸمنٸڭ نەگٸزگٸ كونستيتۋتسييالىق قۇندىلىقتار قاتارىنا ەنگٸزٸلۋٸ. ۇلتتىق مەدەنيەتتٸ مەملەكەتتٸك قولداۋ جەنە تاريحي-مەدەني مۇرانى ساقتاۋ العاش رەت مەملەكەتتٸڭ اسا ماڭىزدى مٸندەتتەرٸنٸڭ بٸرٸ رەتٸندە كونستيتۋتسييالىق دەڭگەيدە بەكٸتٸلدٸ. سونىمەن قاتار كونستيتۋتسييادا ەربٸر ازاماتتىڭ تاريحي-مەدەني مۇراعا ۇقىپتى قاراۋعا, تاريح جەنە مەدەنيەت ەسكەرتكٸشتەرٸن قورعاۋعا مٸندەتتٸ ەكەنٸ ناقتى كٶرسەتٸلگەن. بۇل مەنٸ تەرەڭ, ماڭىزى زور ٶزگەرٸس. ٶيتكەنٸ مەدەني مۇرانى ساقتاۋ – مەملەكەتتٸڭ عانا ەمەس, بٷكٸل قوعامنىڭ ورتاق مٸندەتٸ ەرٸ جاۋاپكەرشٸلٸگٸ», – دەدٸ ايدا بالاەۆا.
پرەمەر-مينيستردٸڭ ورىنباسارى جاڭا كونستيتۋتسييانىڭ يدەيالىق نەگٸزٸندە مەملەكەت باسشىسى ۇسىنعان «ەدٸلەتتٸ قازاقستان», «زاڭ مەن تەرتٸپ», «ادال ازامات» جەنە «تازا قازاقستان» جالپىۇلتتىق قاعيداتتارى جاتقانىن اتاپ ٶتتٸ.
كەزدەسۋ بارىسىندا جاڭا كونستيتۋتسييادا وتباسى ينستيتۋتىنىڭ قۇقىقتىق نەگٸزدەرٸ ناقتىلانىپ, قوعام ٷشٸن ايرىقشا ماڭىزى بار قۇندىلىقتاردى قورعاۋ كەپٸلدٸكتەرٸ كٷشەيتٸلگەنٸ دە ايتىلدى.
ەسكە سالا كەتەيٸك, قازاقستاننىڭ جاڭا كونستيتۋتسيياسى 2026 جىلعى 15 ناۋرىزدا ٶتكەن رەسپۋبليكالىق رەفەرەندۋم قورىتىندىسى بويىنشا قابىلداندى. قۇجات 2026 جىلعى 1 شٸلدەدەن باستاپ كٷشٸنە ەنەدٸ.
