Búgin Abai oblysy máslihatynyń kezekten tys 27-inshi sessiiasy ótti. Otyrysqa oblys ákimi Berik Ýáli, máslihat tóraǵasy Shalqar Baibekov, depýtattar, tiisti basqarma basshylary jáne BAQ ókilderi qatysty,- dep habarlaidy Dalanews.kz
Sessiia barysynda 2025–2027 jyldarǵa arnalǵan oblystyq biýdjetke jáne Abai oblysy máslihatynyń turaqty komissiiasy quramyna ózgeris engizý máseleleri qaraldy.
Birinshi másele boiynsha oblystyq Ekonomika jáne biýdjettik josparlaý basqarmasynyń basshysy Roza Qudaibergenqyzy baiandama jasady. Jańa ózgerister aimaqtyń aldaǵy áleýmettik-ekonomikalyq damý josparlaryna sáikes ázirlengen.
Sessiia barysynda depýtattar tarapynan mádeniet nysandaryn salý, dári-dármekpen qamtýǵa qatysty depýtattyq saýaldar joldandy.
Otyrys sońynda sóz alǵan aimaq basshysy depýtattarǵa oblystyq biýdjetke engizilgen ózgeristerdi qoldaǵany úshin alǵys bildirip, alda aýqymdy jumys kútip turǵanyn atap ótti. Óńirdegi ózekti máseleler kezeń-kezeńimen sheshiletin aitty.
«Salalyq ministrlikterge 107,7 milliard teńgege 169 joba boiynsha respýblikalyq biýdjetten transfertter alý úshin biýdjettik ótinimder joldandy. Óńirlerge shyǵý qorytyndysy boiynsha halyqtyń ótinish-tilegin eskere otyryp, qala, aýdan ákimderine, salalyq basqarma basshylaryna naqty tapsyrmalar berdim. Oblystyń ekonomikasyn kóterý úshin tek biýdjet qarajatyna iek artpai investitsiia tartýymyz kerek. Bul - qala, aýdan ákimderiniń eń basty mindeti. Oblystyń geografiialyq ornalasýyn, kólik logistikalyq, saýda-ekonomikalyq múmkindigin tolyq paidalanýymyz qajet. Osy oraida mamyr aiynda óńirge investitsiia tartý úshin Qytaiǵa arnaiy delegatsiiamen barýdy josparlap otyrmyz», - dedi oblys ákimi.
