تٷركٸستان وبلىسىندا ادام شوشىرلىق جول-كٶلٸك وقيعاسى بولدى. تٷلكٸباس اۋدانى ەڭبەكشٸ اۋىلى ماڭىندا بولعان اپات سالدارىنان بٸر وتباسىنىڭ بەس بالاسى كٶز جۇمدى. تاعى بٸر بالا اۋىر جاراقات الىپ, اۋرۋحاناعا جەتكٸزٸلدٸ, دەپ حابارلايدى dalanews.kz.
OTYRAR مەلٸمەتٸنشە, Volkswagen Polo اۆتوكٶلٸگٸ جولدان شىعىپ كەتٸپ, اعاشقا سوعىلعان. سوققىنىڭ قاتتى بولعانى سونشا, كٶلٸك ەكٸگە بٶلٸنٸپ كەتكەن.
اپاتتان امان قالعان بالانىڭ ٶمٸرٸن دەرٸگەرلەر ساقتاپ قالدى. دەگەنمەن ونىڭ جاعدايى ەلٸ دە اۋىر دەپ باعالانىپ وتىر. اتا-اناسىنىڭ ٶتٸنٸشٸنە بايلانىستى بالانىڭ دەنساۋلىعىنا قاتىستى تولىق مەلٸمەت جارييالانبايدى.
پوليتسييانىڭ الدىن الا مەلٸمەتٸ بويىنشا, جٷرگٸزۋشٸ كٶلٸك تٸزگٸنٸنە يە بولا الماي قالعان بولۋى مٷمكٸن. قايعىلى وقيعاعا بايلانىستى قىلمىستىق ٸس قوزعالدى. قازٸر تەرگەۋشٸلەر اپاتتىڭ ناقتى سەبەبٸ مەن بارلىق مەن-جايىن انىقتاپ جاتىر.
باس پروكۋراتۋرا دەرەگٸنشە, 2026 جىلدىڭ العاشقى بەس ايىندا تٷركٸستان وبلىسىندا 461 جول-كٶلٸك وقيعاسى تٸركەلگەن. وسى اپاتتاردان 100 ادام قازا تاۋىپ, تاعى 573 ادام تٷرلٸ دەڭگەيدە جاراقات العان.
