اباي وبلىسىندا اسكەري قىزمەتكەر پوليگوندا بولعان وقيعا سالدارىنان قازا تاپتى، دەپ حابارلايدى Dalanews.kz.
2026 جىلعى 5 ناۋرىزدا اباي وبلىسىندا اسكەري تەحنيكانى پايدالانۋ كەزىندە قاۋىپسىزدىك شارالارىن بۇزۋ سالدارىنان كەلىسىمشارت بويىنشا اسكەري قىزمەتشى جاراقات الىپ، قازا تاپتى.
اتالعان فاكت بويىنشا سوتقا دەيىنگى تەرگەپ-تەكسەرۋ جۇرگىزىلۋدە، وقيعانىڭ بارلىق ءمان-جايى انىقتالۋدا. وقيعا ورنىندا قۇزىرلى ورگانداردىڭ وكىلدەرى جۇمىس ىستەپ جاتىر.
قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ قولباسشىلىعى مەن جەكە قۇرامى قازا تاپقان اسكەري قىزمەتشىنىڭ تۋعان-تۋىستارى مەن جاقىندارىنا قايعىرا كوڭىل ايتتى. ولارعا بەلگىلەنگەن تارتىپپەن قاجەتتى قولداۋ كورسەتىلەدى.
