8 ناۋرىز مەرەكەسٸ قارساڭىندا الاياقتار ازاماتتاردىڭ گٷل مەن سىيلىققا تاپسىرىس بەرۋ بەلسەندٸلٸگٸن پايدالانىپ, تٷرلٸ ايلامەن اقشا مەن جەكە دەرەكتەردٸ يەمدەنۋگە تىرىسۋدا, دەپ حابارلايدى Dala news.
باس پروكۋراتۋرانىڭ مەلٸمەتٸنشە, مەرەكە كٷندەرٸ الاياقتار ازاماتتارعا قوڭىراۋ شالىپ نەمەسە حابارلاما جٸبەرٸپ, ەرتٷرلٸ سىلتاۋمەن SMS-كودتى ايتۋدى سۇرايدى.
ەڭ جيٸ كەزدەسەتٸن الاياقتىق سحەمالار:
•گٷل نەمەسە سىيلىق جەتكٸزۋ رەسٸمدەلگەنٸ تۋرالى حابارلاپ, «تاپسىرىستى راستاۋ ٷشٸن» SMS-كود سۇراۋ
•جالعان ۇتىس, بونۋس نەمەسە اكتسييا تۋرالى ايتىپ, تەلەفونعا كەلگەن راستاۋ كودىن تالاپ ەتۋ
•ٶزٸن بانك قىزمەتكەرٸ, قاۋٸپسٸزدٸك قىزمەتٸ نەمەسە كۋرەرلٸك كومپانييا ٶكٸلٸ رەتٸندە تانىستىرۋ.
مامانداردىڭ ايتۋىنشا, بٸر رەتتٸك SMS-كود – قارجىلىق وپەراتسييالاردى راستاۋعا ارنالعان قۇپييا دەرەك. مۇنداي كودتى ٷشٸنشٸ تۇلعالارعا بەرۋ بانكتٸك شوتتان اقشا شەشٸپ الۋعا, نەسيە رەسٸمدەۋگە نەمەسە موبيلدٸ بانكينگكە قول جەتكٸزۋگە مٷمكٸندٸك بەرۋٸ مٷمكٸن.
پروكۋراتۋرا بانك قىزمەتكەرلەرٸ دە, قۇقىق قورعاۋ ورگاندارى دا ەشقاشان تەلەفون ارقىلى SMS-كود, پارول نەمەسە بانك كارتاسىنىڭ دەرەكتەرٸن سۇرامايتىنىن ەسكەرتەدٸ.
سونداي-اق مەرەكە قارساڭىندا الاياقتار Instagram مەن TikTok جەلٸلەرٸندە جالعان دٷكەندەر اشىپ, گٷل مەن سىيلىقتاردى ٶتە ارزان باعامەن ۇسىنىپ, الدىن الا تٶلەم تالاپ ەتەدٸ. اقشا اۋدارىلعاننان كەيٸن مۇنداي پاراقشالار جوعالىپ كەتەدٸ.
ازاماتتارعا گٷل مەن سىيلىقتاردى تەك سەنٸمدٸ ساتۋشىلاردان ساتىپ الىپ, كٷمەندٸ سٸلتەمەلەرگە ٶتپەۋ, تٶلەم الدىندا رەكۆيزيتتەردٸ مۇقييات تەكسەرۋ جەنە ەشقاشان SMS-كود پەن بانك دەرەكتەرٸن بٶگدە ادامدارعا بەرمەۋ ۇسىنىلادى.
كٷمەن تۋىنداعان جاعدايدا بانككە رەسمي نٶمٸر ارقىلى حابارلاسىپ, قاجەت بولسا قۇقىق قورعاۋ ورگاندارىنا جٷگٸنۋ كەرەك.
