ازەربايجان يراننان درون شابۋىلىنا قاتىستى تۇسىنىكتەمە تالاپ ەتتى. بۇل تۋرالى ەلدىڭ سىرتقى ىستەر مينيسترلىگى مالىمدەدى، دەپ حابارلايدى Dalanews.kz.
ۆەدومستۆو مالىمەتىنشە، 5 ناۋرىزدا تۇسكە تامان ناحيچيەۆان اۋماعىنا يران جاعىنان ۇشىرىلعان ۇشقىشسىز اپپاراتتار تۇسكەن. درونداردىڭ ءبىرى ناحيچيەۆان اۋەجايىنىڭ تەرمينال عيماراتىنا قۇلاعان، ال ەكىنشىسى شەكەراباد اۋىلىنداعى مەكتەپ ماڭىنا تۇسكەن.
وقيعا سالدارىنان اۋەجاي عيماراتىنا زاقىم كەلگەن، ەكى بەيبىت تۇرعىن جاراقات العان.
ازەربايجان تاراپى بۇل ارەكەتتى حالىقارالىق قۇقىق نورمالارى مەن قاعيداتتارىنا قايشى دەپ باعالاپ، ايماقتاعى جاعدايدى ۋشىقتىرۋى مۇمكىن ەكەنىن مالىمدەدى. باكۋ يراننان وقيعاعا بايلانىستى شۇعىل تۇسىنىكتەمە بەرىپ، مۇنداي جاعداي قايتالانباۋى ءۇشىن قاجەت شارا قابىلداۋدى تالاپ ەتتى.
ەسكە سالايىق، بۇعان دەيىن يراننان ۇشىپ شىققان درون ازەربايجانداعى اۋەجايدىڭ بىرىنە ءتۇسىپ، جارىلعانى حابارلاندى.
