Ázerbaijan Irannan dron shabýylyna qatysty túsinikteme talap etti. Bul týraly eldiń Syrtqy ister ministrligi málimdedi, dep habarlaidy Dalanews.kz.
Vedomstvo málimetinshe, 5 naýryzda túske taman Nahichevan aýmaǵyna Iran jaǵynan ushyrylǵan ushqyshsyz apparattar túsken. Drondardyń biri Nahichevan áýejaiynyń terminal ǵimaratyna qulaǵan, al ekinshisi Shekerabad aýylyndaǵy mektep mańyna túsken.
Oqiǵa saldarynan áýejai ǵimaratyna zaqym kelgen, eki beibit turǵyn jaraqat alǵan.
Ázerbaijan tarapy bul áreketti halyqaralyq quqyq normalary men qaǵidattaryna qaishy dep baǵalap, aimaqtaǵy jaǵdaidy ýshyqtyrýy múmkin ekenin málimdedi. Baký Irannan oqiǵaǵa bailanysty shuǵyl túsinikteme berip, mundai jaǵdai qaitalanbaýy úshin qajet shara qabyldaýdy talap etti.
Eske salaiyq, buǵan deiin Irannan ushyp shyqqan dron Ázerbaijandaǵy áýejaidyń birine túsip, jarylǵany habarlandy.
