بۇل تۋرالى يسلام رەسپۋبليكاسىنىڭ قارۋلى كۇشتەرى باس شتابى مالىمدەدى.
مالىمدەمەدە يران اسكەرى كورشىلەس ءارى دوستاس تۇركيانىڭ ەگەمەندىگىن قۇرمەتتەيتىنى، ونىڭ اۋماعىنا قاراي زىمىران جىبەرىلدى دەگەن اقپارات شىندىققا سايكەس كەلمەيتىنى ايتىلعان.
بۇعان دەيىن تۇركيانىڭ قورعانىس مينيسترلىگى يراننان تۇركيا اۋە كەڭىستىگىنە قاراي ۇشىرىلعان بالليستيكالىق زىمىران شىعىس جەرورتا تەڭىزىندە ورنالاسقان ناتو-نىڭ اۋە جانە زىمىرانعا قارسى قورعانىس جۇيەسى ارقىلى جويىلعانىن حابارلاعان ەدى.
كەيىن تۇركيا پرەزيدەنتى رەجەپ تايىپ ەردوعان ايماقتاعى كۇردەلى جاعدايعا قاراماستان ەل شەكاراسى مەن اۋە كەڭىستىگىنىڭ قاۋىپسىزدىگىنە ەرەكشە نازار اۋدارىلاتىنىن مالىمدەدى. ونىڭ ايتۋىنشا، انكارا ناتو وداقتاستارىمەن بىرلەسە وتىرىپ، بارلىق شارانى قابىلداپ وتىر.
