Túrkiia áskeri kúshteri áýe keńistigine kirgen irandyq zymyrandy atyp túsirgen. Alaida Iran Túrkiiaǵa qarai zymyran ushyrǵanyn joqqa shyǵardy, dep habarlaidy Dalanews.kz.
Bul týraly Islam Respýblikasynyń Qarýly kúshteri bas shtaby málimdedi.
Málimdemede Iran áskeri kórshiles ári dostas Túrkiianyń egemendigin qurmetteitini, onyń aýmaǵyna qarai zymyran jiberildi degen aqparat shyndyqqa sáikes kelmeitini aitylǵan.
Buǵan deiin Túrkiianyń Qorǵanys ministrligi Irannan Túrkiia áýe keńistigine qarai ushyrylǵan ballistikalyq zymyran Shyǵys Jerorta teńizinde ornalasqan NATO-nyń áýe jáne zymyranǵa qarsy qorǵanys júiesi arqyly joiylǵanyn habarlaǵan edi.
Keiin Túrkiia prezidenti Rejep Taiyp Erdoǵan aimaqtaǵy kúrdeli jaǵdaiǵa qaramastan el shekarasy men áýe keńistiginiń qaýipsizdigine erekshe nazar aýdarylatynyn málimdedi. Onyń aitýynsha, Ankara NATO odaqtastarymen birlese otyryp, barlyq sharany qabyldap otyr.
