5 ناۋرىزعا قاراعان ءتۇنى قازاقستانعا Air Astana جانە Flydubai اۋە كومپانيالارى 5 رەيس جاسادى. وسى رەيستەرمەن ەلگە 851 جولاۋشى جەتكىزىلدى، دەپ حابارلايدى Dalanews.kz.

5 ناۋرىز كۇنى قازاقستانعا جولاۋشىلاردى الىپ كەلۋ ءۇشىن قازاقستاندىق جانە شەتەلدىك اۋە كومپانيالار تاعى بىرنەشە رەيس ورىندايدى.

Air Astana اۋە كومپانياسى جيددا – اقتاۋ – الماتى جانە جيددا – اتىراۋ – الماتى باعىتتارى بويىنشا ەكى رەيس ورىنداۋدى جوسپارلاپ وتىر.

SCAT Airlines اۋە كومپانياسىمەن ماسكات – الماتى باعىتى بويىنشا 2 رەيس ورىندالادى.

Air Arabia اۋە كومپانياسى شاردجا – الماتى باعىتى بويىنشا رەيس ورىنداۋدا. تاۋلىكتىڭ سوڭىنادەيىن وسى باعىتتا تاعى ءبىر رەيس جوسپارلانعان.

Flydubai اۋە كومپانياسى دۋباي قالاسىنان الماتى جانە استانا قالالارىنا رەيستەر جاساۋدى جوسپارلاپ وتىر (جولاۋشىلار سانى ناقتىلانۋدا).

3 ناۋرىزدان باستاپ تاياۋ شىعىس ەلدەرىنەن قازاقستان رەسپۋبليكاسىنا بارلىعى 12 رەيس ۇشىپ كەلدى، ناتيجەسىندە 2111 جولاۋشى ەلگە ورالدى.

بۇگىنگە جوسپارلانعان رەيستەردى ەسكەرە وتىرىپ، تاياۋ شىعىس ەلدەرىنەن قازاقستانعا شامامەن 4000 ازامات جەتكىزىلەدى.

قازاقستان ازاماتتارىن ەلگە قايتارۋ جۇمىستارى ۋاكىلەتتى مەملەكەتتىك ورگاندار مەن اۋە كومپانيالارىنىڭ بىرلەسكەن جۇمىسى اياسىندا جالعاسىپ جاتىر.