5 naýryzǵa qaraǵan túni Qazaqstanǵa Air Astana jáne Flydubai áýe kompanıalary 5 reıs jasady. Osy reıstermen elge 851 jolaýshy jetkizildi, dep habarlaıdy Dalanews.kz.

5 naýryz kúni Qazaqstanǵa jolaýshylardy alyp kelý úshin qazaqstandyq jáne sheteldik áýe kompanıalar taǵy birneshe reıs oryndaıdy.

Air Astana áýe kompanıasy Jıdda – Aqtaý – Almaty jáne Jıdda – Atyraý – Almaty baǵyttary boıynsha eki reıs oryndaýdy josparlap otyr.

SCAT Airlines áýe kompanıasymen Maskat – Almaty baǵyty boıynsha 2 reıs oryndalady.

Air Arabia áýe kompanıasy Shardja – Almaty baǵyty boıynsha reıs oryndaýda. Táýliktiń sońynadeıin osy baǵytta taǵy bir reıs josparlanǵan.

Flydubai áýe kompanıasy Dýbaı qalasynan Almaty jáne Astana qalalaryna reıster jasaýdy josparlap otyr (jolaýshylar sany naqtylanýda).

3 naýryzdan bastap Taıaý Shyǵys elderinen Qazaqstan Respýblıkasyna barlyǵy 12 reıs ushyp keldi, nátıjesinde 2111 jolaýshy elge oraldy.

Búginge josparlanǵan reısterdi eskere otyryp, Taıaý Shyǵys elderinen Qazaqstanǵa shamamen 4000 azamat jetkiziledi.

Qazaqstan azamattaryn elge qaıtarý jumystary ýákiletti memlekettik organdar men áýe kompanıalarynyń birlesken jumysy aıasynda jalǵasyp jatyr.