اعىمداعى جىل شىعىس قازاقستاندا جول, جول-كٶلٸك ينفراقۇرىلىمىن جەتٸلدٸرۋ جىلى بولىپ جارييالاندى, دەپ حابارلايدى Dalanews.kz شقو ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
مەملەكەت باسشىسى قاسىم-جومارت توقاەۆ جالپىۇلتتىق قۇرىلتايدا حالىقارالىق ساپا ستاندارتتارىنا بارىنشا جاقىن اۆتوجول جەلٸسٸن جەدەلدەتٸپ قالىپتاستىرۋ قاجەتتٸلٸگٸ تۋرالى ايتىپ, قازٸرگٸ جاي-كٷيٸنە ەرەكشە نازار اۋدارعان ەدٸ.
ايماق پەن تۇتاستاي ەلدٸڭ دامۋى, حالىقارالىق ىنتىماقتاستىق, تيٸمدٸ كٶلٸك دەلٸزدەرٸنٸڭ كەڭەيۋٸ, وسىنىڭ بەرٸ جولداردىڭ جاي-كٷيٸنە – ەكونوميكانىڭ ٶزٸندٸك قاناينالىم جٷيەسٸنە تٸكەلەي بايلانىستى دەۋگە بولادى.
بۇل تۇرعىدا رەسپۋبليكا ٶڭٸرلەرٸ مەن كٶرشٸ مەملەكەتتەر اراسىنداعى بايلانىستىرۋشى بۋىن سانالاتىن شىعىس قازاقستان وبلىسىنىڭ رٶلٸ ايرىقشا ماڭىزعا يە. شقو ينفراقۇرىلىمىنىڭ جٷك جەنە جولاۋشىلار تاسىمالىن قامتاماسىز ەتۋ ٷشٸن جالپى كٶلٸك جەلٸسٸنە سەيكەس كەلۋ-كەلمەۋٸ سەرٸكتەستٸكتٸڭ كەلەشەگٸنە دە ەسەر ەتەرٸ انىق.
وسىعان وراي, 2024 جىل شىعىس قازاقستان وبلىسىندا «جول جىلى» بولىپ جارييالانعان-دى.
وبلىستىق ەكٸمدٸكتە ٶتكەن كەزەكتٸ القالى جيىندا ٶڭٸر باسشىلىعى تاپسىرمالارىنىڭ ورىندالۋ بارىسى, سونداي-اق سالالىق مەملەكەتتٸك باعدارلامالاردىڭ ٸسكە اسىرىلۋ جايى تالقىلاندى.
شقو جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى نۇرجان جۇمادٸلوۆ وبلىستا جالپى سوماسى 28,5 ميلليارد تەڭگەنٸڭ جوبالارى ٸسكە اسىرىلاتىنىن حابارلادى.
– جول سالاسىنىڭ ەلەۋەتٸن, كادرلاردىڭ بٸلٸكتٸلٸگٸن, قاجەتتٸ تەحنيكامەن قامتىلۋىن ەسكەرە وتىرىپ, تيٸستٸ قارجىلاندىرۋ بولسا, بٸزدە كٶزدەلگەن جوسپارلار مەن جوبالاردى ورىنداۋ ٷشٸن بارلىق مٷمكٸندٸك بار ەكەنٸن ايتقىم كەلەدٸ, – دەپ اتاپ ٶتتٸ نۇرجان جۇمادٸلوۆ. – جىلدان جىلعا اۆتوموبيل جەنە جولاۋشىلار تاسىمالىنىڭ رٶلٸ مەن ماڭىزى ارتىپ كەلەدٸ جەنە بٸزدٸڭ سالا قازاقستان ەكونوميكاسىنىڭ دامۋىنا ەلەۋلٸ ٷلەس قوسۋدا.
باسقارما باسشىسى 2023 جىلى وبلىستىق جەنە اۋداندىق ماڭىزى بار 392 شاقىرىم جول, سونداي-اق ەلدٸ مەكەندەردٸڭ كٶشەلەرٸ 20,4 ميلليارد تەڭگەگە ورتاشا جٶندەۋمەن قامتىلعانىن ايتتى. ال اعىمداعى جىلى دەل وسىنداي جۇمىستارمەن 600-دەن استام شاقىرىم جول مەن ەلدٸ مەكەندەردٸڭ كٶشەلەرٸ قامتىلىپ, بۇل ماقساتقا 28,5 ميلليارد تەڭگە قاراستىرىلعان ەكەن.
