تۇركىستان وبلىسىنىڭ جەتىساي اۋدانىندا جاڭا مەكتەپ پايدالانۋعا بەرىلدى.

جاڭااۋىل اۋىلدىق وكرۋگى ىنتىماق ەلدى مەكەنىندە ەسىگىن ايقارا اشقان ءبىلىم ۇياسى 600 ورىنعا لايىقتالعان. جالپى سمەتالىق قۇنى – 1 ملرد 87 ملن تەڭگە.

زامان تالابىنا ساي سالىنعان عيماراتتا وقۋشىلار اسحاناسى، حيميا، بيولوگيا كابينەتتەرى جانە ءماجىلىس پەن سپورت زالدارى بار. جيىرما ءبىر وقۋ بولمەسىنىڭ بارلىعى دا قاجەتتى قۇرال-جابدىقتارمەن قامتىلعان. ءقازىر مۇندا 1700-دەن استام ورەن ءبىلىم الىپ جاتىر.

جاڭا مەكتەپتىڭ اشىلۋ سالتاناتىنا تۇركىستان وبلىسىنىڭ اكىمى جانسەيىت تۇيمەبايەۆ تا قاتىستى. ايماق باسشىسى شاكىرتتەرمەن تىلدەسىپ، ولاردى جاقسى وقىپ، ەلىمىزدىڭ ۇلگىلى ازاماتتارى بولۋعا شاقىردى. بۇعان دەيىن ەسكى مەكتەپتە ءۇش اۋىسىمدا ءبىلىم الىپ كەلگەن اۋىل بالالارى زامان تالابىنا ساي ەڭسەلى عيماراتقا كوشكەندەرىنە ءدان ريزا.

ءبىلىم ءبولىمى باسشىلارىنىڭ ايتۋىنشا، وسى مەكتەپتىڭ اشىلۋىمەن اۋدانداعى ءۇش اۋىسىمدى مەكتەپ ماسەلەسى تولىق شەشىمىن تاپقان.

- جىلدىڭ سوڭىنا دەيىن تاعى №114 جالپى ورتا مەكتەبىمىز جاڭا عيماراتقا كوشكەلى وتىر. كەلەسى جىلعا تاعى دا ءۇش مەكتەپتىڭ قۇرىلىسى جۇرگىزىلەدى. جالپى، 2020 جىلعا قاراي اۋداندا بارلىق مەكتەپ  تيپتىك عيماراتتارعا كوشەدى، – دەيدى جەتىساي اۋداندىق ءبىلىم ءبولىمى باسشىسىنىڭ مىندەتىن اتقارۋشى تۇرسىن مىرزالييەۆ.