Jańaaýyl aýyldyq okrýgi Yntymaq eldi mekeninde esigin aiqara ashqan bilim uiasy 600 orynǵa laiyqtalǵan. Jalpy smetalyq quny – 1 mlrd 87 mln teńge.
Zaman talabyna sai salynǵan ǵimaratta oqýshylar ashanasy, himiia, biologiia kabinetteri jáne májilis pen sport zaldary bar. Jiyrma bir oqý bólmesiniń barlyǵy da qajetti qural-jabdyqtarmen qamtylǵan. Qazir munda 1700-den astam óren bilim alyp jatyr.
Jańa mekteptiń ashylý saltanatyna Túrkistan oblysynyń ákimi Janseiit Túimebaev ta qatysty. Aimaq basshysy shákirttermen tildesip, olardy jaqsy oqyp, elimizdiń úlgili azamattary bolýǵa shaqyrdy. Buǵan deiin eski mektepte úsh aýysymda bilim alyp kelgen aýyl balalary zaman talabyna sai eńseli ǵimaratqa kóshkenderine dán riza.
Bilim bólimi basshylarynyń aitýynsha, osy mekteptiń ashylýymen aýdandaǵy úsh aýysymdy mektep máselesi tolyq sheshimin tapqan.
- Jyldyń sońyna deiin taǵy №114 jalpy orta mektebimiz jańa ǵimaratqa kóshkeli otyr. Kelesi jylǵa taǵy da úsh mekteptiń qurylysy júrgiziledi. Jalpy, 2020 jylǵa qarai aýdanda barlyq mektep tiptik ǵimarattarǵa kóshedi, – deidi Jetisai aýdandyq bilim bólimi basshysynyń mindetin atqarýshy Tursyn Myrzaliev.
