ءال-فارابي اتىنداعى قازاق ۇلتتىق ۋنيۆەرسيتەتىنىڭ اۋماعىندا ورنالاسقان سۋبۇرقاق تولىق ىستەن شىقتى، دەپ حابارلايدى Dalanews.kz.
مۇندا 17 جاستاعى جىگىت توق سوعىپ، قازا تاپقان ەدى.
سۋبۇرقاقتىڭ كونسترۋكسيالارى بولشەكتەلدى
قازىرگى ۋاقىتتا سۋبۇرقاقتىڭ بارلىق كونسترۋكسياسى تولىق بولشەكتەلىپ، سۋبۇرقاقتىڭ توستاعانى ارنايى پالۋبامەن جابىلعان. ۋنيۆەرسيتەت باسشىلىعى بۇل نىساننىڭ ءارى قارايعى تاعدىرى تۋرالى ناقتى شەشىم قابىلداماعان. بولاشاقتا سۋبۇرقاقتىڭ قايتا قالپىنا كەلتىرىلۋى نەمەسە باسقا ماقساتتا قولدانىلۋى تۋرالى ناقتى اقپارات بەرىلگەن جوق.
قازۇۋ باسپا ءسوز قىزمەتىنىڭ مالىمەتىنشە، سۋبۇرقاق ۋنيۆەرسيتەتكە تيەسىلى جانە قازىرگى ۋاقىتتا جۇمىس ىستەمەيدى.
“سۋبۇرقاقتىڭ ورنىندا ءالى قانداي دا ءبىر وبەكتىنى ورناتۋ جوسپارلانباعان. سۋبۇرقاق قازۇۋ بالانسىندا جانە قازىرگى ۋاقىتتا جۇمىس ىستەمەيدى”، - دەپ حابارلادى ۇلتتىق ۋنيۆەرسيتەتتىڭ باسپا ءسوز قىزمەتى.
ەستەرىڭىزگە سالا كەتەيىك، قايعىلى وقيعا بيىلعى جىلدىڭ 19 ماۋسىمىندا بولعان ەدى. ءجاسوسپىرىم ۋنيۆەرسيتەت رەكتوراتىنىڭ الدىنداعى سۋبۇرقاققا شومىلماق بولادى.
الايدا دوستارىنىڭ كوز الدىندا سۋعا باتىپ، شىعا الماي قالعان.
