Ál-Farabı atyndaǵy Qazaq ulttyq ýnıversıtetiniń aýmaǵynda ornalasqan sýburqaq tolyq isten shyqty, dep habarlaıdy Dalanews.kz.

Munda 17 jastaǵy jigit toq soǵyp, qaza tapqan edi.

Sýburqaqtyń konstrýksıalary bólshekteldi

Qazirgi ýaqytta sýburqaqtyń barlyq konstrýksıasy tolyq bólshektelip, sýburqaqtyń tostaǵany arnaıy palýbamen jabylǵan. Ýnıversıtet basshylyǵy bul nysannyń ári qaraıǵy taǵdyry týraly naqty sheshim qabyldamaǵan. Bolashaqta sýburqaqtyń qaıta qalpyna keltirilýi nemese basqa maqsatta qoldanylýy týraly naqty aqparat berilgen joq.

QazUÝ baspasóz qyzmetiniń málimetinshe, sýburqaq ýnıversıtetke tıesili jáne qazirgi ýaqytta jumys istemeıdi.

“Sýburqaqtyń ornynda áli qandaı da bir obektini ornatý josparlanbaǵan. Sýburqaq QazUÝ balansynda jáne qazirgi ýaqytta jumys istemeıdi”, - dep habarlady Ulttyq ýnıversıtettiń baspasóz qyzmeti.

Esterińizge sala keteıik, qaıǵyly oqıǵa bıylǵy jyldyń 19 maýsymynda bolǵan edi. Jasóspirim ýnıversıtet rektoratynyń aldyndaǵy sýburqaqqa shomylmaq bolady.

Alaıda dostarynyń kóz aldynda sýǵa batyp, shyǵa almaı qalǵan.