Назарбаевқа неге ескерткіш орната береді?

Dalanews 18 нау. 2017 07:47 174

Қазақстан Президенті Нұрсұлтан Назарбаев Ақордада журналистермен кездесуінде Қазақстанның Тұңғыш Президентінің құрметіне ескерткіш тұрғызуға қатысты пікір білдірді. Сұхбат республикалық телеарналардың эфирінде көрсетілді.

"Бір ғана сөйлеммен айта аламын: құптамаймын, бұл маған керек емес. Осы жайлы бұрыннан ашық айтып келемін. Барлық басшының кеңесшісі болған Марк Аврелий "Тірі кезінде ескерткіш салу - болашақ ұрпақтың сені еске алатынына сенбеу" деген. Барлығын ісі бойынша бағалау керек. Ешқандай ескерткіш керек емес. Кезінде дауыс беріп, шулап, қолдап, Ленин мен Сталинге ескерткіш қойғызғандар соларды қайтадан қиратты", - деді Мемлекет басшысы. 
"Мен тек Назарбаев университетке есімімді беруге келісім бердім, себебі ерекше оқу орны ашылды. Бұл барлық университетке үлгі болады. Халықтың, үкіметтің назарын аудару үшін, осы университеттің Қазақстанның ғылым орталығы болуы үшін. Солай болып келе жатыр да. Қалғанының ешқайсысына келісімімді берген жоқпын. Сондықтан, осы сәтті пайдалана отырып, тағы да айтамын: Бұл маған қажет емес, маған бұл ұнамайды"

- деді Президент.

Осыған дейін Назарбаевтың мерзімінен бұрын сайлау өткізу туралы сұраққа жауап бергені хабарланған еді. Кейін журналистер саяси бәсекелестіктің жоқтығы жайлы сұрақ қойған болатын.

Еске салайық, Кездесуге қатысушылар "Қазақстанның үшінші жаңғыруы: жаһандық бәсекеге қабілеттілік" атты жолдауды іске асыру аясында ел экономикасын трансформациялау үдерісінің бірқатар аспектілерін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сондай-ақ басқа да маңызды жайттарды талқылады. Кездесуге "Қазақстан", "Хабар", "МИР" телеарналарының, "Айқын" газетінің, "Esquire" журналының, "Қазақпарат" ақпарат агенттігінің журналистері қатысты. 

Дереккөз: kaz.tengrinews.kz

Ұсынылған
Соңғы жаңалықтар
x