Мемлекет басшысы Қасым-Жомарт Тоқаев Орталық сайлау комиссиясында ауыс-түйіс жүргізді, - деп хабарлайды Dalanews.kz.
Президент жарлықтарымен:
- Сәбила Сапарқызы Мұстафина Қазақстан Республикасы Орталық сайлау комиссиясының мүшесі лауазымынан босатылды;
- Константин Викторович Петров Қазақстан Республикасы Орталық сайлау комиссиясының мүшесі лауазымынан босатылды.
"Мемлекет басшысының жарлықтарымен Азамат Мақсотұлы Айманакумов Қазақстан Республикасы Орталық сайлау комиссиясының мүшесі лауазымына тағайындалды; Михаил Михайлович Бортник Қазақстан Республикасы Орталық сайлау комиссиясының мүшесі лауазымына тағайындалды", - деп жазылған хабарламада.
Орталық сайлау комиссиясы (бұдан әрі - Комиссия) Қазақстан Республикасының тұрақты жұмыс істейтін мемлекеттік органы.
Комиссияның негізгі міндеті - Қазақстан Республикасында әділ, шынайы және еркін сайлаулар мен республикалық референдумдар өткізу.
Миссиясы - еркін және әділ сайлау мен республикалық референдумдар өткізу жолымен азаматтардың тікелей немесе өз өкілдері арқылы мемлекет істерін басқаруға қатысу құқықтарын қамтамасыз ету.
