STALFORM компаниясы — Қазақстан мен Орталық Азия нарығындағы арнайы опалубка жүйелерінің жетекші жеткізушісі. Компания азаматтық және өнеркәсіптік құрылыс үшін кешенді инженерлік шешімдер ұсынып, жұмыс сапасының жоғары дәлдігін, сенімділігін және жылдам орындалуын қамтамасыз етеді, деп хабарлайды Dalanews.kz.
STALFORM артықшылығы — қызметтердің толық циклі: жобалаудан бастап жеткізу, монтаж және нысанды іске асырудың барлық кезеңдеріндегі техникалық сүйемелдеу. Тапсырыс берушілер тек жабдық қана емес, нақты архитектуралық және технологиялық міндеттерге бейімделген кешенді жүйе алады.
Компания жұмысының басты бағыттарының бірі — құрылыс жұмыстарын өз инженерлерінің қатысуымен сүйемелдеу. STALFORM мамандарды құрылыс алаңдарына шығарып, опалубка технологиясы бойынша кеңес береді, шефмонтаж жүргізеді және жұмыстың сапасына техникалық әрі авторлық бақылау жасайды. Мұндай тәсіл жобалардың нормативтерге сәйкестігін қамтамасыз етіп, құрылыс кезеңдеріндегі тәуекелдерді азайтады.
Компания портфеліндегі ерекше орын — атом энергетикасы нысандарына арналған опалубка. STALFORM АЭС құрылысына арналған шешімдер кешенін әзірлеп, сертификаттаған. Бұл шешімдерге күмбездер, реакторлық блоктардың цилиндрлік учаскелері, мұнаралы градирнялар мен пайдаланылған ядролық отынды сақтау қоймаларына арналған опалубкалар кіреді. Барлық шешімдер нақты жағдайда — ЛАЭС-2, Железногорскідегі ОЯТ қоймасы және өзге де жауапты нысандарда сыналған. Механикаландырылған жүйелерді пайдалану құрылыс мерзімін айтарлықтай қысқартуға және қауіпсіздікті арттыруға мүмкіндік береді.
Реакторлық блоктарды тұрғызуға арналған STALFORM шешімдерінің қатарында — алынбалы және өздігінен көтерілетін жүйелер, сондай-ақ кез келген архитектуралық талаптарға бейімделе алатын әмбебап жинақталған құрылымдар бар. Бұл шешімдер тиімділігімен, технологиялылығымен және қауіпсіздігімен энергетика мен өнеркәсіп саласындағы күрделі жобалар үшін сұранысқа ие.
Компания сондай-ақ биіктікте бетондау үшін консольдік жүйелерді әзірлеп, енгізеді. Олар көпірлер, эстакадалар, мұнаралар мен күмбезді құрылымдар салуда қолданылады. STALFORM консольдері түрлі негіздерге оңай бейімделіп, жоғары жүк көтергіштікке ие және жинақтауға ыңғайлы, өйткені элементтері аз және әмбебап. Анкерлік бекіткіштерден бастап қорғаныс алаңдарына дейінгі барлық компоненттер қауіпсіздік пен сенімділік талаптарын ескере отырып жобаланған.
STALFORM контрфорстары анкерлеусіз біржақты опалубка қажет болатын жобаларда қолданылады: топырақтағы қабырғалар, тоннельдер, резервуарлар мен жағалауды қорғау құрылыстары. Олардың беріктігі, өзге жүйелермен үйлесімділігі және жоғары бейімділігі оларды күрделі жағдайларда пайдалануға мүмкіндік береді.
Кешенді шешімдер жиынтығы, инженерлік қолдау және күрделі нысандардағы тәжірибенің арқасында STALFORM аймақтағы ірі құрылыс жобалары үшін технологиялық әрі сенімді серіктес ретінде танылды.
