Аталған көшелер аумағында бірқатар тұрғын үйлер салынып, құтқару қызметі қызметкерлерінің тұрғындардың мекенжайын таба алмауына байланысты атау беру қажеттігі туындаған.
Ұсынылған 19 атаусыз көшеге халықтың пікіріне сәйкес, патриоттық рухты тәрбиелеу мақсатында Қазақстанның белгілі жер-су атаулары және дәстүрлі атаулар берілді.
20 тұрғын ауданындағы атаусыз көшеге Жидебай, 18 тұрғын ауданындағы атаусыз көшеге Медеу, Самсоновка ауылы маңындағы атаусыз көшелерге Арғымақ, Наурыз, Айнакөл, Еділ, Дәстүр, Есіл, Аманат, Жайық, Балдырған, Серпер, Мереке, Көктем, Шарын, Кеген, Келешек, Масаты, Самал көшелері болып аталмақ.
