Сенат депутаттары президентке білім туралы заңды жолдады, оған сәйкес мектеп оқушыларына сабақта телефон пайдалануға тыйым салынады, деп хабарлайды Dalanews.kz.
Заңның негізгі міндеттері жетім балаларға тәлімгерлік институтын енгізу, балалардың қауіпсіздігін қамтамасыз ету, білім беру ұйымдарының басқару еркіндігін кеңейту болып саналады.
Заңда орта білім беру ұйымдарында смартфондарды пайдалану ережелерін бекіту қарастырылған. Бұған дейін Мәжіліс депутаты Асхат Аймағамбетов норма тек сабақ кезіндегі шектеулерге қатысты деп түсіндірген болатын. Бала ұялы телефонын мектепке алып бара алады және оны үзіліс кезінде пайдалана алады.
Сенат депутаттары «Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері бойынша өзгерістер мен толықтырулар енгізу туралы» заңды мақұлдап, мемлекет басшысына қол қоюға жіберді.
