Ақтөбенің қалалық мәслихаты «идеологиялық тұрғыдан ескірген және маңызы аз» көше мен тұйық көшелердің атауын өзгерту туралы шешім қабылдады, деп хабарлайды Dalanews.kz «Диапазонға» сілтеп.

Тізімдегі кейбір ұсыныстар:

▪️ Нахимов көшесі — Тоқтамыс ханның құрметіне;
▪️ Кирпичная көшесі — Роза Бағланованың құрметіне;
▪️ Октябрьская көшесі — Сафуан Шәймерденовтің құрметіне;
▪️ Станционная көшесі — Сырбай Мәуленовтің құрметіне;
▪️ Местпром тұйығы — Әбу Сәрсенбаевтың құрметіне.

Сондай-ақ, Белогорка тұрғын үй алабына (Құндызды), Энергетиктер шағын ауданына (Қазығұрт) және тағы бірнеше көшеге жаңа атаулар ұсынылды.

Жуырда Сенат депутаты Нұртөре Жүсіп Қазақстандағы қала мен көше атауларын тұрғындардың пікірін сұрамастан өзгерту туралы ұсыныс білдірген еді.