Бүгін Алматы құрылыс-техникалық колледжінің 55 жылдық мерейтойына орай білім ордасында техникалық ресурстық орталық ашылды. Айтулы шраға Алматы қаласы білім басқармасы, НАО Талап, KNAUF, GROHE өкілдері, Krones AG Қазақстандағы өкілдігі, АФ АО Имсталькон, ТОО Инжиниринг орталығы, білім беру ұйымдарының басшылары, өзге де әлеуметтік серіктестерқатысты. Қазіргі таңда Алматы қаласындағы ТжКБ жүйесінің ұстанымын нығайту жұмысшы біліктілігінің беделін арттыру ісіне көп көңіл бөлінуде.
55 жыл ішінде Алматы құрылыс-техникалық колледжі кәсіптік лицейден үздік колледждердің бірі мәртебесіне дейінгі жолды жүріп өтті.
Техникалық ресурстық орталығының негізгі міндеттері – білім алушыларды жұмыс біліктілігіне дайындау, қалалық, республикалық және халықаралық деңгейде кәсіби конкурстар өткізу, шеберлік сабақтарын, оның ішінде жұмыс берушілердің қатысуымен семинарлар, конференциялар, біліктілікті арттыру курстарын өткізу болып табылады.
Техникалық ресурстық орталығының негізгі мақсаттары – жұмыс берушілер талап ететін барлық дағдыларға ие білікті мамандарды дайындау, техникалық және кәсіптік білім беру саласындағы білім беру сапасын арттыру, сондай-ақ, жұмыс берушілер мен колледж арасындағы келісімнің жаңа формасын құру болып табылады.
