Талғар ауданындағы "Сол Талғар" шатқалында 1980 жылы туған әйел күйеуімен бірге туристік маршрутпен жүріп келе жатып, аяғын сындырып алып, 3000 метр биіктіктен өздігінен түсе алмады, – деп хабарлайды Dalanews.kz Алматы облысы әкімінің баспасөз қызметіне сілтеме жасап.

ТЖМ Республикалық жедел-құтқару жасағының жедел тобы шақыру орнына жедел жетіп, "Қазавиақұтқару" тікұшағының көмегімен зардап шегушіні таудан түсіріп, оны жедел медициналық жәрдем қызметкерлеріне тапсырды.

Төтенше жағдай туындаған жағдайда 112 нөміріне қоңырау шалыңыз!