Алматы облысының әкімі Марат Сұлтанғазиев екіжақты байланыстарды нығайту және өзара тиімді ынтымақтастықтың жаңа мүмкіндіктерін іздеу мақсатында Қытайдың Хэнань провинциясында болды, – деп хабарлайды Dalanews.kz Алматы облысы әкімінің баспасөз қызметіне сілтеме жасап.
Сапар барысында облыс әкімі Хэнань провинциясының губернаторы Ван Каймен кездесіп, әртүрлі салаларда, ең алдымен ауыл шаруашылығында бірлескен жұмыстардың келешегі талқылады,
Губернатор Ван Кай Хэнань үшін ауыл шаруашылығының маңыздылығына тоқталып, провинцияның Қытайдағы ең ірі астық орталығы екенін атап өтті. Ол сондай-ақ дамыған инфрақұрылымның, жүгері мен бидай өндірісінің жоғары деңгейіне, тамыр, май және құс шаруашылығының дамып келе жатқанына тоқталды.
Ван Кай ынтымақтастықтың үш негізгі бағытын атап өтті – ауыл шаруашылығы, сауда-өнеркәсіптік әріптестік және гуманитарлық байланыстар. Кездесуде Ван Кай мырза транзиттік тасымалдау саласында бірлескен жұмыстың әлеуетін айта келе, академиялық тәжірбие алмасуды дамытуға қызығушылық танытты.
Өз кезегінде Алматы облысының әкімі Марат Сұлтанғазиев Қытаймен өзара тиімді ынтымақтастықтың маңыздылығына тоқталып, еліміздегі алдыңғы қатарлы өңірлерінің бірі саналатын Алматы облысында агроөнеркәсіп кешені, туризм мен өнеркәсіп дамығанын айтты. Облыс басшысы аймақтың ҚХР және Қырғызстанмен шектесетін стратегиялық орналасуына және дамыған көлік инфрақұрылымының барына тоқталды.
Марат Сұлтанғазиев ынтымақтастықтың негізгі бағыттарын атап өтті:
- Ауыл шаруашылығы: суды үнемдейтін технологияларды қолдану, астық өндіру, құс шаруашылығы және сүт шаруашылығы бойынша тәжірибе алмасу.
- Құрылыс: Қонаев және Алатау қалаларын дамытуға Қытай инвестициясын тарту.
- Логистика: бірлескен индустриялық парктер құру және логистикалық орталықтарды дамыту.
- Білім: Алматы облысында бірлескен университеттер құру.
Кездесу Алматы облысы мен Хэнань провинциясының өзара тиімді ынтымақтастығы екіжақты қарым-қатынастарды дамытуға септігін тигізетініне және екі тарапқа да нақты пайда әкелетініне сенім білдірумен аяқталды.
