Қайрат Оразбаев пен оған бағынышты жұмыскерлер қызметтік өкілеттіктерін теріс пайдаланғаны үшін кінәлі деп танылды, деп хабарлайды Dalanews.kz.

Orda.kz мәліметінше, әкім болып тұрған кезінде Оразбаев демалыс аймақтарында — саябақтар, жасыл алаң мен жағалауларда жерлерді заңсыз бөліп берген. Мұнда демалушылар мен жасыл желектердің орнына жеке үйлер салынуы тиіс болған. Бұл іс-шараға мемлекеттік архитектуралық-құрылыс бақылау басқармасының басшысы, жер қатынастары бөлімінің жетекшісі және әкімдік заңгері де қатысқан.

Айта кетейік, Қайрат Оразбаев үш жылға бас бостандығын шектеу жазасына кесілді. Оның бағыныштылары бес-алты жылға сотталды. Алайда прокуратура үкімнің тым жеңіл екенін айтып, апелляцияда экс-әкімді жеті жылға бас бостандығынан айыруды талап етті, ал күдіктінің тобы керісінше жазаны жеңілдетуді сұрады.

Атырау облыстық сотының алқасы бірінші инстанцияның үкімін өзгертуге немесе жоюға негіз таппады. Сот үкімі өзгеріссіз қалды.