Бұл туралы арнайы брифингте ҚР Ақпарат және қоғамдық даму министрі Дәурен Абаев мәлімдеді, деп хабарлайды Dalanews.kz.
Еңбек және халықты әлеуметтік қорғау министрінің тиісті бұйрығы 26 наурызда жарияланады.
Төлемдер азаматтардың екі санаты үшін қарастырылған. Біріншісі - төтенше жағдайға байланысты ақысы төленбейтін демалыс алғандар.
Бұл - айына шамамен 42 мың теңге. Бұл ұсақ, шағын және орта бизнестің қызметкерлері болуы керек, олар өткен жылы мемлекеттік қорға үш рет төлем аударуы тиіс болған.
Аудандық және қалалық жұмыспен қамту штабына өтініштерді қызметкердің өзі емес, жұмыс берушісі беруі тиіс. Төлемдер төтенше жағдай режимі аяқталғанға дейін берілетін болады, - деді министр.
Төлемнің екінші түрі төтенше жағдай кезінде жұмыстан босап қалған жұмысшыларға беріледі. Олар жұмысынан айырылғаны үшін 1 айдан 6 айға дейін өтемақы алатын болады. Төлем көлемі айырылған жұмысы айлығының 40% құрайды.
Ол үшін жұмыссыз ретінде жұмыспен қамту орталығына тіркеліп, онлайн режимде өтініш жолдау керек. Біз 1,5 миллион адамды осындай төлемдермен қамтамасыз етеміз, - деді Абаев.
