BJZQ zeinetaqy júiesine qatysty jańa derekti jariialady, dep habarlaidy Dalanews.kz.
Qarjylyq saýat telegram arnasynyń málimetinshe, 2026 jylǵy qańtarda eldegi ailyq infliatsiia 1% bolǵan.
“Demek, zeinetaqy aktivterin basqarýshylar keminde osy deńgeiden joǵary tabys kórsetkende ǵana jinaqtyń naqty quny saqtalady. Kerisinshe jaǵdaida qarjy infliatsiia áserinen qunsyzdanady”, - deidi derekkóz.
Qazirgi tańda zeinetaqy aktivterin basqaratyn alty sýbekt bar: Ulttyq bank jáne bes jeke kompaniia. Alaida qańtar qorytyndysy boiynsha olardyń tek úsheýi ǵana infliatsiiadan joǵary nátije kórsetken.
“Kósh basynda - Halyk Global Markets. Kompaniia basqarýyndaǵy qarajat kólemi 8,2 mlrd teńge bolǵanymen, tabystylyǵy 1,15%-ǵa jetip, eń joǵary kórsetkishke shyqty”, - deidi Qarjylyq saýat telegram arnasy.
Ekinshi orynda Alatau City Invest. Ol 15,7 mlrd teńgeni basqaryp, ai ishinde 1,11% tabys tapqan.
Úzdik úshtikti Sentras Sekiýritiz túiindeidi. Kompaniianyń basqarýyndaǵy 5,3 mlrd teńge aktiv 1,04% kiris ákelgen.
Al zeinetaqy aktivteriniń negizgi bóligi Ulttyq banktiń basqarýynda. Qazir onda halyqtyń 25,4 trln teńgesi shoǵyrlanǵan. Mundai iri portfel joǵary turaqtylyqty talap etetini túsinikti. Qańtar aiynda Ulttyq bank 0,87% tabys kórsetti. Bul infliatsiiadan sál tómen bolǵanymen, aktiv kólemin eskersek, kórsetkish qalypty dinamika retinde baǵalanyp otyr.
“Qalǵan basqarýshylardyń nátijesi mynadai: BCC Invest - 0,8%, al jeke kompaniialar ishinde eń iri portfelge (53,8 mlrd teńge) ie Halyk Finance - 0,59%.
Bul derekter bir mańyzdy jaitty ańǵartady: aktiv kólemi árdaiym joǵary tabystyń kepili emes. Keibir shaǵyn basqarýshylar ikemdirek strategiianyń arqasynda jaqsy nátije kórsete alǵan”, - dep qosty derekkóz.
Degenmen sarapshylar bir ailyq statistikaǵa qarap túbegeili qorytyndy jasaýǵa asyqpaý keregin eskertedi. Qańtardaǵy kórsetkish - tek qysqa merzimdi kórinis. Sondyqtan jinaqty jeke basqarýǵa berýdi oilaǵan salymshylar kompaniialardyń toqsandyq, jyldyq jáne uzaqmerzimdi nátijelerine nazar aýdarǵany jón.
BJZQ saitynda jariialanatyn esepterdi turaqty baqylaý - durys sheshim qabyldaýdyń basty sharty. Óitkeni árbir paiyz bolashaq zeinetaqynyń naqty quny.
