Ýkraina prezidenti Vladimir Zelenskii Resei usynǵan bitimge qatysty pikir bildirdi, dep habarlaidy Dalanews.kz.
Onyń aitýynsha, Resei prezidenti Vladimir Pýtin 8-11 mamyr aralyǵynda jariialaǵan ýaqytsha bitim – shynaiy bitim emes, tek saiasi manipýliatsiia. Zelenskii atysty toqtatý birneshe kúnge ǵana emes, turaqty túrde júzege asyrylýy tiis dep sanaidy. Ol eń tómengi merzim retinde 30 kúndi atady.
"Bitim birneshe kúnge ǵana emes, shuǵyl, tolyq ári sózsiz toqtatylýy tiis. Eń kemi 30 kúnge sozylýy qajet", – dedi Vladimir Zelenskii óziniń videoúndeýinde.
Sondai-aq Kiev biligi de Pýtinniń 9 mamyrǵa bailanysty jasaǵan usynysyna qatysty pikir bildirdi.
Ýkraina Syrtqy ister ministriniń orynbasary Andrei Sibiga Máskeý bastamasyna qatysty málimdemesinde eldiń uzaq merzimdi atysty toqtatýǵa daiyn ekenin aitty.
"Nelikten 8 mamyrǵa deiin kútýdi usyndy? Eger atysty dál qazir, kez kelgen kúnnen bastap 30 kúnge toqtatýǵa múmkindik bolsa – bul shyndyqqa ainalýy múmkin, tek parad úshin emes", – dedi Sibiga.
Ol sondai-aq Ýkraina "uzaq merzimdi, berik jáne tolyq atysty toqtatýǵa daiyn ekenin" jáne Kiev buny únemi usynyp kele jatqanyn eske saldy.
Eske salaiyq, buǵan deiin saiasattanýshy Qazybek Maigeldinov Tramptyń Resei-Ýkraina qaqtyǵysyn sheshýdegi róli týraly oiyn ashyp aitqan bolatyn.
Saiasattanýshynyń sózinshe, Donald Tramp Ýkraina men Reseige qatysty óz ustanymyn áleýmettik jelide, BAQ-ta ashyq bildirip kele jatyr.
"Ol bul qaqtyǵysty óte qysqa merzimde toqtatýǵa bolatynyn, tipti prezident bolǵan ýaqytta 24 saǵattyń ishinde beibit kelisim ornata alatynyn birneshe ret aitty. Tramp soǵysty toqtatý úshin naqty qandai qadamdar usynatynyn tolyq ashyp aitpasa da, naqty áreketter kórsetilmese de onyń ritorikasynan baiqalatyn nárseler bar. Osy tusta bes negizgi faktordy atap ótkim keledi. Birinshiden Tramp Resei men Ýkrainany tikelei kelissózge shaqyrýda jáne tez ymyraǵa kelýdi talap etip otyr. Ol bul ritorikasyn aitqan kezde: "Eger Máskeý ne Kiev beibit kelisimge kelýdi qiyndatsa, AQSh bul kelissózden bas tartyp, tys qalatynyn eskertti. Iaǵni bul arqyly Tramp eki tarapqa da qysym jasap, jyldam nátijege qol jetkizgisi kelip otyrǵanyn ańǵartty. Mysaly mundai taktikany ol Izrail-Palestina qaqtyǵysy kezinde qoldandy", - deidi Qazybek Maigeldinov.
Ekinshiden, Tramp Ýkraina tarapyn synap sóileidi. Keide qaqtyǵystyń bastalýyna Kievti kinalap, málimdemeler jasady.
