Ýkraina prezidenti Vladimir Zelenskii soǵystyń negizgi kezeńin qarashaǵa deiin aiaqtaý múmkindigi qarastyrylyp jatqanyn málimdedi. Bul týraly ol Joǵarǵy radadaǵy «Slýga naroda» fraktsiiasynyń depýtattarymen kezdesýde aitqan, dep habarlaidy dalanews.kz.
Kezdesýge qatysqan depýtat Olga Vasilevskaia-Smagliýk Telegram-arnasynda prezident soǵystyń negizgi fazasyn qaýipsizdik kepildikteri bolǵan jaǵdaida qarashaǵa deiin aiaqtaý nusqasy qarastyrylyp jatqanyn jetkizgenin jazdy.
«Qazir maidanda bizdiń basymdyq bar, sony paidalaný qajet. Eń bastysy – Reseidiń úzilis alyp, keiin qaita soǵys bastaýyna múmkindik bermeý», – dedi depýtat Zelenskiidiń sózin keltirip.
Al «Golos» fraktsiiasynyń depýtaty Iaroslav Jelezniak prezidentpen kezdesýde soǵystyń aiaqtalýy múmkin merzimi birneshe ret aitylǵanyn, biraq ol boljamdar oryndalmaǵanyn málimdedi.
«Bul joly 2026 jyldyń qarashasy ataldy. Biraq kezdesýge qatysqandardyń ózi buǵan asa sengen joq», – dep jazdy ol.
Zelenskii keiinirek jariialaǵan videomálimdemesinde depýtattarmen kezdesýde «aldaǵy aptalar men jaqyn kúnderdegi mańyzdy máseleler» talqylanǵanyn aitty. Alaida naqty qandai máseleler qozǵalǵanyn ashyp aitpady.
