ۋكراينا پرەزيدەنتٸ ۆلاديمير زەلەنسكيي سوعىستىڭ نەگٸزگٸ كەزەڭٸن قاراشاعا دەيٸن اياقتاۋ مٷمكٸندٸگٸ قاراستىرىلىپ جاتقانىن مەلٸمدەدٸ. بۇل تۋرالى ول جوعارعى راداداعى «سلۋگا نارودا» فراكتسيياسىنىڭ دەپۋتاتتارىمەن كەزدەسۋدە ايتقان, دەپ حابارلايدى dalanews.kz.
كەزدەسۋگە قاتىسقان دەپۋتات ولگا ۆاسيلەۆسكايا-سماگليۋك Telegram-ارناسىندا پرەزيدەنت سوعىستىڭ نەگٸزگٸ فازاسىن قاۋٸپسٸزدٸك كەپٸلدٸكتەرٸ بولعان جاعدايدا قاراشاعا دەيٸن اياقتاۋ نۇسقاسى قاراستىرىلىپ جاتقانىن جەتكٸزگەنٸن جازدى.
«قازٸر مايداندا بٸزدٸڭ باسىمدىق بار, سونى پايدالانۋ قاجەت. ەڭ باستىسى – رەسەيدٸڭ ٷزٸلٸس الىپ, كەيٸن قايتا سوعىس باستاۋىنا مٷمكٸندٸك بەرمەۋ», – دەدٸ دەپۋتات زەلەنسكييدٸڭ سٶزٸن كەلتٸرٸپ.
ال «گولوس» فراكتسيياسىنىڭ دەپۋتاتى ياروسلاۆ جەلەزنياك پرەزيدەنتپەن كەزدەسۋدە سوعىستىڭ اياقتالۋى مٷمكٸن مەرزٸمٸ بٸرنەشە رەت ايتىلعانىن, بٸراق ول بولجامدار ورىندالماعانىن مەلٸمدەدٸ.
«بۇل جولى 2026 جىلدىڭ قاراشاسى اتالدى. بٸراق كەزدەسۋگە قاتىسقانداردىڭ ٶزٸ بۇعان اسا سەنگەن جوق», – دەپ جازدى ول.
زەلەنسكيي كەيٸنٸرەك جارييالاعان ۆيدەومەلٸمدەمەسٸندە دەپۋتاتتارمەن كەزدەسۋدە «الداعى اپتالار مەن جاقىن كٷندەردەگٸ ماڭىزدى مەسەلەلەر» تالقىلانعانىن ايتتى. الايدا ناقتى قانداي مەسەلەلەر قوزعالعانىن اشىپ ايتپادى.
