Ýkraina prezidenti Vladimir Zelenskii Reseimen beibit kelisimge Aq úidiń Sopaq kabinetinde nemese AQSh prezidenti Donald Tramptyń Mar-a-Lagodaǵy rezidentsiiasynda qol qoiýǵa daiyn ekenin málimdedi, dep habarlaidy dalanews.kz.
Bul týraly ol amerikalyq jýrnalist Lora Lýmerge bergen suhbatynda aitty. Áńgime jýrnalistiń X áleýmettik jelisindegi paraqshasynda jariialanǵan.
Suhbat barysynda Zelenskiiden Máskeýmen jasalatyn yqtimal beibit kelisimge Aq úide qol qoiýǵa daiyn nemese daiyn emestigi suraldy.
"Iá, daiynmyn. Men prezident Donald Trampqa AQSh-qa, Sopaq kabinetke nemese Mar-a-Lagoǵa kez kelgen ýaqytta barýǵa daiyn ekenimdi únemi aityp kelemin. Barlyǵy prezident Trampqa bailanysty", – dedi Ýkraina basshysy.
Sonymen qatar Zelenskii beibit kelisimge naqty qai jerde qol qoiylatyny basty másele emes ekenin atap ótti. Onyń sózinshe, eń mańyzdysy – kelisimniń qashan jasalatyny.
