Oqiǵanyń sebepteri muqiiat tekseriletin bolady, dep habarlaidy Altaynews.kz.
Esterińizge sala ketsek, keshe Zaisan qalasynda qoǵamdyq monshanyń jylytý qazandyǵy jarylyp, bir adam qaza tapty. Aldyn ala málimetter boiynsha, bul sol monshanyń qojaiyny. Zardap shekken taǵy eki adam bar.
ShQO TJD málimetterine súiensek, jylytý qazandyǵy jeke ǵimaratta ornalasqan, monshanyń ózine zaqym kelmegen.
Qutqarýshylar qaza tapqan adamnyń denesin alyp shyqty, zardap shekken taǵy eki adam aýrýhanaǵa jetkizildi.
Búgin obektide injenerlik zerthananyń anyqtaýshylary men qyzmetkerleriniń jumysy bastalady. Onyń nátijeleri ary qarai tergeý júrgizý úshin quqyqqorǵaý organdaryna beriledi.
Aimaq biligi bul jaǵdaidy dereý baqylaýǵa aldy. Barlyq qyzmetter jumyldyryldy. www.altaynews.kz saityna aqparat kózi retinde silteme jasaýyńyzdy suraimyz.
