Kólik ministri Marat Qarabaev Shyǵys Qazaqstan oblysy Zaisan aýdanyndaǵy jańa áýejai alańynda negizgi qurylys jumystarynyń bastalý barysymen tanysty, dep habarlaidy Dalanews.kz
Bul jumys Memleket basshysynyń Zaisan, Qaton-Qaraǵai jáne Kendirli kýrorttyq aimaqtarynda úsh jańa áýejai salý tapsyrmasy aiasynda júrgizilýde.
Jobaǵa sáikes áýejai Zaisan qalasynan shamamen 25 shaqyrym jerde ornalasqan Sátbai aýylynyń mańyndaǵy burynǵy áskeri áýeailaq bazasynda salynady. 184,5 gektar jerdi alyp jatqan ýchaske geografiialyq jáne meteolorogiialyq jaǵdaidy, sondai-aq logistikalyq qoljetimdilikti eskere otyryp tańdaldy.
Áýejaida aldaǵy ýaqytta keńeitý múmkindigimen uzyndyǵy 2200 metr bolatyn ushý-qoný jolaǵy salynady. Bul áýejai aimaǵynda Bombardier Q400, ATR-72 jáne basqa da uqsas tiptegi zamanaýi áýe kemelerin qabyldaýǵa múmkindik beredi. Qazir otandyq áýe kompaniia ATR-72 ushaqtaryn satyp alý máselesin pysyqtaýda. Joba aiasynda 4 áýe kemesine arnalǵan perron, saǵatyna 150 jolaýshyǵa deiin ótkizý qabileti bar 4000 sharshy metrlik zamanaýi aerovokzal, komandalyq-dispetcherlik pýnkt, avariialyq-qutqarý qyzmeti, meteostantsiia jáne radionavigatsiialyq jabdyqtar qarastyrylǵan.
«Áýejai qurylysy aiaqtalyp, nysan qoldanysqa berilgen soń Qytaidyń Úrimshi, Altai jáne Qanas qalalaryna halyqaralyq baǵyttar ashý josparlanǵan. Astana, Almaty jáne Óskemenge qatynaityn ishki baǵyttar turaqty áýe bailanysyn qamtamasyz etip, biznes úshin jańa múmkindikter ashyp, el turǵyndarynyń júrip-turýyn jaqsarta túspek», — dedi kólik vedomstvosynyń basshysy Marat Qarabaev.
Qazir Zaisanǵa jyl saiyn shamamen 23 myń týrist keledi. Áýejai iske qosylyp, infraqurylym dami túskende bul kórsetkish 136 myń týristke deiin ósedi dep kútilýde.
Marat Qarabaev áýejai qurylysy Qazaqstannyń logistikalyq áleýetin damytýǵa qosymsha múmkindik ashatynyn atap ótti. Sátbai aýyly mańynda jańa áýejai salý jáne «Qalbataý-Maiqapshaǵai» kúre jolynyń rekonstrýktsiiasyn aiaqtaý jumystary Zaisan qalasynda arnaiy iri logistikalyq hab ashýǵa múmkindik beredi. Kólik ministri qazir bul máseleni Resei Federatsiiasy men Qytai Halyq Respýblikasyndaǵy áriptestermen pysyqtalyp jatqanyn atap ótti.
Bul rette Tuǵyl aýylynda ózen porty salynady. Bastapqy kezeńde júkter Tuǵyl portyna avtokólikpen tasymaldanady. Odan ári Resei Federatsiiasyna qarai ózen arqyly keme qatynasy ornatylady. Júkterdiń bastapqy kólemi 2 mln tonna bolsa, ýaqyt óte kele bul kórsetkish 10 mln tonnaǵa deiin artady dep kútilýde. Qytaidaǵy áriptestermen qazir «Tuǵyl» portyn temirjolmen bailanystyratyn jáne Reseidegi Ob ózenine, odan ári Soltústik teńizge shyǵatyn «Qytai-Qazaqstan-Resei» mýltimodaldy logistikalyq marshrýtyn qurýǵa baǵyttalǵan tórtinshi temirjol ótkeli pýnktin salý pysyqtalýda.
Sondai-aq biyl mamandar Shyǵys Qazaqstan óńirindegi barlyq bes temirjol vokzalyn (Óskemen-1, Altai, Kúmistaý, Ridder, Shemonaiha) jóndeidi.
