Shyǵys Qazaqstan oblysynyń ákimi Nurymbet Saqtaǵanov Zaisan aýdanyna jumys sapary barysynda Sátpai eldi mekeninde ornalasqan áýejai qurylysynyń jumys barysymen tanysty, – dep habarlaidy Dalanews.kz
«Áýejai qurylysy josparǵa sáikes, keibir jumystar tipti kesteden ozyq júrgizilýde. Qazirgi tańda nysanda 275 maman jumys isteýde, qajet bolǵan jaǵdaida jumysshylar sany kóbeitiletin bolady. Ushý-qoný jolaǵynyń uzyndyǵy 2200 metrdi quraidy, jolaýshylar aǵyny artsa, bul kórsetkish te ulǵaitylatyn bolady. Biyl alǵashqy áýe reisterin iske qosamyz dep josparlap otyrmyz», – dedi oblys ákimi.
Áýejai quramyna 4000 sharshy metrlik aerovokzal, ushaq júretin jolaqtar, tórt áýe kemesine arnalǵan perron, komandalyq-dispetcherlik pýnkt, apattyq-qutqarý qyzmeti, meteostantsiialar jáne radionavigatsiialyq jabdyqtar kiredi.
Áýejai iske qosylǵannan keiin Astana, Almaty jáne Óskemen qalalaryna ishki reister ushyrylatyn bolady. Sonymen qatar, Qytaidyń Úrimshi qalasyna, Altai aýdanyna jáne Qanas kóline halyqaralyq baǵyttar ashý josparlanǵan.
Bul áýejai Bombardier Q400, ATR-72 jáne osyǵan uqsas óńirlik deńgeidegi áýe kemelerin qabyldai alady.
Atalǵan joba – Memleket basshysy Qasym-Jomart Toqaevtyń bastamasymen júzege asyrylyp otyrǵan, Qazaqstannyń kýrorttyq aimaqtarynda úsh jańa áýejai (Zaisan, Katonqaraǵai, Kendirlik) salýǵa baǵyttalǵan aýqymdy baǵdarlamanyń bir bóligi.
