Parlament Májilisiniń depýtaty Rinat Zaiytov qoǵamdy dúr silkindirgen «Sherzat oqiǵasyna» qatysty pikir bildirip, kompozitor Arman Dúisenovtiń ólimi týraly shyndyqty aitty, dep habarlaidy Dalanews.kz.
Depýtat Qazaq Airan You Tube arnasyna bergen suhbatta jýrnalistiń Talǵar oqiǵasyna uqsas jaǵdailar Úrjar men Maqanshyda da boldy dedińiz, sol ras pa degen saýalyna jaýap berdi.
"Sherzattyń isi bir áýlettiń oqiǵasy. Iia, bul aianyshty ári qaiǵyly jaǵdai. Eshkimniń basyna bermesin. Biraq, osyny saiasat qylǵysy kelgender boldy degenmen kelispei qoia almaimyz. Blogerlerdiń shýlaýynyń maqsaty — úkimette dúmpý týdyrý. Qoǵamdy daýysy qatty shyǵatyn jáne aitqan sózi ótetin adamdardy soǵan tartqysy keldi. Bizde, qoǵamda men aityp jatyrmyn, sen nege úndemei otyrsyń degen áńgime bar", deidi depýtat.
Osy tusta Zaiytov Arman Dúisenovtiń ulynyń ólimine qatysty pikir bildirdi.
"Men Arman Dúisenovtiń balasynyń tergeý materialdarymen tolyq tanystym dep aita almaimyn. Biraq, birinshi kelgen protokolda asylǵan adamnyń eki qoly bailaýly dep anyq jazylǵan. Sony nege zerttemeisizder, shýlamaisyzdar? Óitkeni, budan eshkim saiasat jasap jatqan joq. Al, men Abaidyń jerlesimin. Kóp aitsa, kóndi.
Jurt aitsa, boldy, qylyǵy nadan adamnyń degendi men myna jerime jazyp alǵanmyn. Eger, meniń ózimniń qalaýym bolmasa, meni eshkim ol jerge súirep apara almaidy», — deidi Rinat Zaiytov.
Eske salaiyq, byltyr 8 qazanda Almatyda bireýler kompozitor Arman Dúisenovtiń ulyn qastyqpen óltirgen.
Ánshi Maqpal Júnisova áleýmettik jeolidegi paraqshasynda Arman Dúĭsenovtiń tuńǵyshy Abylaĭ Armanulyn bireýler qastyqpen óltirdi degen sýyq habar jetkenin aitqan edi.
"Imany salamat bolsyn,óltirgen adamdy taýyp,jazasyn berý kerek,Aĭsulý aĭnalaĭyn Alla sabyr bersin, keshe ushyp ketip edim, týǵandaryna, anasyna, qaryndasy men baýryna qaĭǵyryp kóńil aĭtamyn", - dep jazdy ánshi.
Almatynyń Politsiia departamenti bul derekke qatysty pikir bildirdi.
"Atalǵan derek boiynsha Bostandyq aýdandyq politsiia Basqarmasy qylmystyq is qozǵady. Oqiǵanyń sebebi men mán-jaiy anyqtalyp jatyr", - deidi PD resmi ókili Saltanat Ázirbek.
Tanymal kompozitor Arman Dúisenov 2023 jyly 24 qańtarda ómirden ótti.
