2025 jylǵy 24 naýryzdan bastap abonenttik uialy bailanys qurylǵylaryn tirkeý erejelerine engizilgen ózgerister kúshine enedi. Oǵan sáikes, zańsyz jolmen tabylyp, satylǵan smartfondardyń óshirelitini týraly aitylady. Alaida buǵan deiin satylyp, qolda júrgenderge onyń esh qatysy joq. Tek 24 naýryzdan keiingisileri ǵana. Jalpy, bul jańashyldyq neni bildiredi? Dalanews.kz bul rette ekonomist Oljas Baidildinovtiń jelidegi jazbasyn sol qalpynda bere ketýdi jón kórip otyr.
"Bálkim, estigen bolarsyzdar, Qazaqstanda zańsyz jolmen kelgen smartfondardyń óshiriletinin. 24 naýryzdan bastap sondai buiryq kúshine enedi. Mundai jaǵdaida biýdjetke qansha shyǵyn keletini de eseptelip úlgeripti: shamamen 150 mlrd teńge (300 mln dollar) deidi. Tiisinshe, qazaqstandyqtar bul somany óz qaltasynan tóleýge mindetti bolady! Qalai deisizder me?.. Ázirge, bul jańashyldyqty túpkilikti deńgeide uǵyp jatqanym joq. Biraq, mysal keltire keteiin. Máselen, men shetelden nemese Halyq/Kaspii onlain arqyly (kóp el solai alady ǵoi) iPhone satyp aldym deiin, ony qosý kezinde IMEI-in tirketemin, boldy, men eshkimge eshnárse qaryz emespin ǵoi deisiz? Alaida, smartfondar quny qymbattaityny anyq. Aitpaqshy, bul da túrik stsenariii bolyp tabylady. Máselen, Túrkiiada "baj, QQS, ýtilalym" salyqtaryn tóleýsiz syrttan smartfon alyp kelseńiz, elde úsh ai júrgennen keiin áli telefonyńyz avtomatty túrde óship qalady. Iaǵni, ony Wi-Fi arqyly ǵana paidalana alasyz, biraq eshkimmen sóilese almaisyz. Al baj salyǵy degen óteeeee qymbat. Túrkiiada jańa iPhone 16 Pro Max úshin ústinen shamamen 1300 dollar tóleýińiz kerek! Iaǵni, máselen, Qazaqstannan Túrkiiaǵa ózińizdiń iPhone 16 Pro Max-pen baryp, ómir súrip jatyrsyz delik, úsh aidan keiin ony óshirip tastaidy, al ony óshirmesin deseńiz, ýdai qymbat baj salyǵyn tóleýińiz kerek bolady. Demek, sol sekildi nárse bizde de paida bolady. Taǵy da aitaiyn, meniń aitqanym aidai kelip jatyr: bizdiń ekonomika túrik stsenariimen alǵa jyljýda", dep jazady maman óziniń Telegram arnasynda.
Buǵan deiin saitymyzda "Naýryzdan bastap keibir smartfondar "qara tizimge" enip, istemei qalady" degen material jariialanǵan. Bul rette resmi tirkelgen qurylǵylardyń ielerine qosymsha áreket jasap qajet emestigi eskertiledi. Ministrlik jańa erejelerdi engizý boiynsha aqparattyq jumystardy odan ári jalǵastyrady.
