Iandeks Taksi Qazaqstandaǵy seriktes júrgizýshilerge arnalǵan adaldyq baǵdarlamasyn jańartty, dep habarlaidy dalanews.kz.
Baǵdarlamanyń basty artyqshylyqtarynyń biri – servispen uzaq ýaqyt seriktes bolyp kele jatqan júrgizýshiler úshin komissiiaǵa beriletin jeńildik. Sonyń arqasynda servis seriktesteri 2026 jyldyń sońyna deiin tapsyrystar esebinen shamamen 1,7 milliard teńge kóleminde qosymsha tabys taba alady. Mysaly,Astanadaǵy «Ekonom» tarifi boiynsha adaldyq baǵdarlamasynyń eń joǵary deńgeiinde servis komissiiasy eki esege jýyq tómendeidi.
1 maýsymnan bastap Iandeks Proda júrgizýshilerge upai esepteletin jańa adaldyq baǵdarlamasy iske qosylady. Júrgizýshiniń kelesi aidaǵy deńgeii osy aida jinalǵan upai sanyna qarai anyqtalady. Baǵdarlamada barlyǵy «Sheber», «Kásipqoi», «Sarapshy», «Chempion» jáne «Ańyz» degen bes deńgei bolady.
Alǵashqy úsh deńgeige jetý úshin júrgizýshilerge sapar barysynda upai jinaý jetkilikti. Al joǵary deńgeilerge ótý úshin serviste uzaq ýaqyt turaqty jumys isteý qajet, máselen, «Chempion» deńgeii qatarynan 12 ai, «Ańyz» deńgeii 36 ai talap etedi.
Jańartylǵan baǵdarlamada upai esepteý júiesi de ózgeredi. Deńgeidi esepteý kezinde saparlardyń ártúrli parametri eskeriledi. Bul baǵdarlamaǵa ár qala men tariftegi júrgizýshiler jumysynyń erekshelikterin dálirek esepke alýǵa múmkindik beredi.
Baǵdarlamadaǵy ár deńgei jańa artyqshylyqtarǵa jol ashady – deńgei joǵarylaǵan saiyn júrgizýshige qol jetkize alatyni múmkindikter de kóbeiedi. Mysaly, alǵashqy úsh deńgeide Iandeks Pliýs jazylymy, bos turyp qalý ýaqytyn qysqartyp, kóbirek tapsyrys alýǵa kómektesetin qosymsha basymdyq upailary jáne basqa da artyqshylyqtar qarastyrylǵan.
«Chempion» jáne «Ańyz» deńgeilerinde servis komissiiasyna jeńildik berile bastaidy. Máselen, «Chempion» deńgeiinde jeńildik 3 paiyzdyq tarmaqty, al «ańyz» deńgeiinde 8 paiyzdyq tarmaqty quraidy. Jeńildik barlyq taksi tapsyrysyna avtomatty túrde qoldanylady jáne servis komissiiasynyń jalpy somasynan shegeriledi.
Servis sarapshylarynyń esebinshe, komissiiaǵa beriletin jeńildiktiń arqasynda Iandeks Pro seriktesteri 2026 jyldyń sońyna deiin paidalanýshylar tapsyrystarynan 1,7 milliard teńgeden astam qosymsha tabys taba alady.
Jańa adaldyq baǵdarlamasyndaǵy deńgeidi seriktes júrgizýshiler avtomatty túrde alady – ony esepteý kezinde júrgizýshiniń servistegi osyǵan deiingi saparlar tarihy eskeriledi.
