Almatydaǵy "Qalqaman" metro stantsiiasy 2026 jyldyń 1 jeltoqsanynda ashylady dep josparlanyp otyr. Jańa stantsiia táýligine 140-150 myń jolaýshyǵa qyzmet kórsete alady, dep habarlaidy dalanews.kz.
Bes.media málimetinshe, qoǵamdyq keńes músheleri metro qurylysynyń barysyn baryp kórip, qaýipsizdik, sý basýdan qorǵaý, poiyzdardyń júktemesi jáne múmkindigi shekteýli jandarǵa qolaily jaǵdai jasaý máselelerin talqylady.
Metropoliten ókilderiniń aitýynsha, negizgi qurylys jumystary maýsym aiynyń sońyna deiin aiaqtalmaq. Stantsiiada tórt lift ornatylady. Eger lift istemei qalsa, arnaiy kótergish qurylǵylar qoldanylmaq.
Sondai-aq mamandar stantsiiany sý basý qaýpi eskerilip salynǵanyn aitty. Nysan tolyq gidrooqshaýlaýmen qorǵalǵan jáne arnaiy sý shyǵarý júieleri qarastyrylǵan.
Metro mańynda 280 kólikke arnalǵan avtoturaq pen qoǵamdyq kólikke arnalǵan arnaiy turaq salynady. Alaida mamandar bul oryndar qala mańynan keletin kólikterdi tolyq azaitýǵa jetkiliksiz bolýy múmkin ekenin aitty.
