Qazaqstandyqtarǵa mobildi aýdarymdardy monitoringteý qorytyndysy boiynsha habarlama kelgen jaǵdaida, túsinikteme berý nemese deklaratsiia tapsyrý úshin 30 jumys kúni beriledi. Bul týraly Qarjy vitse-ministri Erjan Birjanov málimdedi, dep habarlaidy dalanews.kz.
Vitse-ministrdiń sózinshe, qazirgi kezeńde azamattarǵa aiyppul salý, bank shottaryn buǵattaý nemese qandai da bir shekteý engizý máselesi qarastyrylyp otyrǵan joq.
– Azamattarǵa aqsha aýdarymdarynyń shyǵý tegin túsindirý nemese salyqtyq mindettemelerin oryndaý usynylady, – dedi ol.
Eske salaiyq, salyq organdary mobildi aýdarymdardy birneshe kriterii qatar oryndalǵan jaǵdaida tekseredi.
Atap aitqanda, eger aqsha úsh ai ishinde 100 nemese odan da kóp ártúrli adamnan tússe jáne aýdarymdardyń jalpy somasy 1 mln teńgeden assa, mundai operatsiialar monitoringke iligýi múmkin.
Osylaisha, baqylaý jeke tulǵalar arasyndaǵy barlyq aýdarymdarǵa emes, naqty belgilengen ólshemderge sáikes keletin operatsiialarǵa júrgiziledi.
