Zańsyz balyq aýlanǵandar jaýapkershilikke tartylady
Búgingi kúnge deiin balyq inspektsiiasy bólimimen 88 zańsyzdyq faktisi anyqtalyp, 77 hattama toltyrylǵan. Onyń ishinde 2 is sot organdaryna joldanyp, 9 is boiynsha qylmystyq is quqyq qorǵaý organdary qyzmetkerlerimen tergeý amaldary júrgizilýde.
Jyl basynan tabiǵat zańdylyǵyn buzǵany úshin 77 tulǵaǵa 1,2 mln teńge aiyppul salynyp, 1,1 mln teńgesi memleket paidasyna óndirilgen. Jalpy tabiǵatqa keltirilgen zalal úshin 41486,4 mln teńge talap etilip, 70,5 myń teńge óndirildi.
– Óńirde sońǵy úsh ai boiy «Taza sý aidyndary» tabiǵat qorǵaý aktsiiasy keń kólemde ótkizildi. Shardara sý qoimasy men Syrdariia ózeni boiynda, Bógen sý qoimasynda, Shoshqakól kólder júiesinde jáne Kóksarai sý rettegishindegi tazalaý jumystaryna 569 adam jáne 48 shaǵyn kólemdi júzý quraldary men 82 arnaiy tehnika jumyldyryldy. Jinalǵan 37,8 tonnaǵa jýyq ártúrli qoqystar men sýda qalǵan qaldyqtar tiisti oryndarǵa shyǵaryldy, – dedi Meiirjan Ibragimuly.
