بۇگىنگى كۇنگە دەيىن بالىق ينسپەكسياسى بولىمىمەن 88 زاڭسىزدىق فاكتىسى انىقتالىپ، 77 حاتتاما تولتىرىلعان. ونىڭ ىشىندە 2 ءىس سوت ورگاندارىنا جولدانىپ، 9 ءىس بويىنشا قىلمىستىق ءىس قۇقىق قورعاۋ ورگاندارى قىزمەتكەرلەرىمەن تەرگەۋ امالدارى جۇرگىزىلۋدە.
جىل باسىنان تابيعات زاڭدىلىعىن بۇزعانى ءۇشىن 77 تۇلعاعا 1،2 ملن تەڭگە ايىپپۇل سالىنىپ، 1،1 ملن تەڭگەسى مەملەكەت پايداسىنا وندىرىلگەن. جالپى تابيعاتقا كەلتىرىلگەن زالال ءۇشىن 41486،4 ملن تەڭگە تالاپ ەتىلىپ، 70،5 مىڭ تەڭگە ءوندىرىلدى.
– وڭىردە سوڭعى ءۇش اي بويى «تازا سۋ ايدىندارى» تابيعات قورعاۋ اكسياسى كەڭ كولەمدە وتكىزىلدى. شاردارا سۋ قويماسى مەن سىرداريا وزەنى بويىندا، بوگەن سۋ قويماسىندا، شوشقاكول كولدەر جۇيەسىندە جانە كوكساراي سۋ رەتتەگىشىندەگى تازالاۋ جۇمىستارىنا 569 ادام جانە 48 شاعىن كولەمدى ءجۇزۋ قۇرالدارى مەن 82 ارنايى تەحنيكا جۇمىلدىرىلدى. جينالعان 37،8 تونناعا جۋىق ءارتۇرلى قوقىستار مەن سۋدا قالعان قالدىقتار ءتيىستى ورىندارعا شىعارىلدى، – دەدى مەيىرجان يبراگيم ۇلى.
