Belgili zańger Ádilethan Moldahan Rýdnyidaǵy kósheler ataýyn qazaqshalaýǵa qatysty tyńdalym kezinde reglamentti buzyp, artynsha áleýmettik jelide qazaqtardy "shoshqalar" dep qorlaý sózderin aitqan Ekaterina Korchaginaǵa qatysty pikir bildirdi, dep habarlaidy Dalanews.kz.
Ádilethan Moldahannyń sózinshe, bul jaǵdaida ultaralyq alaýyzdyq boiynsha is qozǵaýǵa bolady.
"Aryz jazamyz. Basqa ult ókilderine aitarym: Qazaqstanda turý unamai ma, reglament, zańnamasy unamai ma - basqa elge kóshińizder. Bul ultaralyq alaýyzdyqtyń mádenie túri. "Reglamentterińizge túkirgenim bar" dep tur. Qazir keńes úkimeti joq", - deidi zańger.
Ol Qylmystyq kodekstiń 174-baby boiynsha ultaralyq alaýyzdyq qozdyrǵany úshin aryz jazatynyn aitty.
Eske salaiyq, 21 qarasha kúni Rýdnyi qalasynda kóshe ataýlaryn ózgertýge arnalǵan tarihi qoǵamdyq tyńdaý ótti.
Tyńdalymda qaladaǵy Ivan Franko kóshesin - Áliia Moldaǵulova, al 50 let Oktiabria kóshesin - Dostyq dep ózgertý máselesi qaraldy. Rýdnyi qalasynyń belsendisi ári jergilikti avtomekteptiń direktory Ekaterina Korchagina tyńdaý kezindegi sózimen qyzý talqyǵa tústi.
Buǵan deiin saiasattanýshy Daniiar Áshimbaev bul máselege qatysty taldaý jasaǵan bolatyn.
